انسدادِ تیرگی کے لئے ضیائے طیبہ

بانیان:

انجمن ضیائے طیبہ کی بنیاد محترم سیّد اللہ رکھا قادری ضیائی حَفِظَہُ اللہُ تَعَالٰی اور انکے رفقائے خاص نے رکھی۔

قابل ذکر شخصیات میں

  • محترم جناب سلیم برکاتی
  • محترم جناب نور محمد وقاری
  • محترم جناب عرفان وقاری
  • محترم جناب حافظ ذیشان قادری
  • محترم جناب سید شعیب قادری

و دیگر شامل ہیں۔

قیام :

انجمن ضیائے طیبہ کا قیام ۱۴۲۵ھ کے ماہ ربیع الاول شریف ، مطابق مئی ۲۰۰۴ء کو عمل میں آیا ۔

افتتاحی تقریب کی صدارت نبیرہ قطب مدینہ فضیلۃ الشیخ حضرت علامہ ڈاکٹر رضوان مدنی حفظہ اللہ تعالی نے کی۔

اس تقریب سعید میں ادارے کی پہلی اشاعت اعلیٰ حضرت علیہ الرحمہ کی تالیف لطیف الوظیفۃ الکریمہ کے ساتھ ساتھ قصیدہ بردہ شریف اور ضیائے درود شرکائے محفل میں تقسیم کی گئی ۔

۲ جولائی،۲۰۰۴ء مطابق ۱۳ جمادی الاولیٰ، ۱۴۲۵ھ کوانجمن ضیائے طیبہ کے زیر اہتمام درس قرآن بنام  ضیائے درس قرآن کا آغاز ہوا ، افتتاحی درس شیخ الحدیث والتفسیر حضرت علامہ مفتی محمد منظور احمد فیضی رحمۃ اللہ تعالیٰ علیہ نے قیامت کی نشانیوں کے موضوع پر دیا ۔

وجہ تسمیہ :

محترم سید اللہ رکھا قادری ضیائی حفظہ اللہ تعالی کے تجویز کردہ نام انجمن ضیائے طیبہ کی نسبت اعلیٰ حضرت الشاہ امام احمد رضا خان محدث و محقق بریلوی رضی اللہ تبارک و تعالی عنہ کے خلیفہ قطب مدینہ حضرت خواجہ شاہ ضیاء الدین مدنی قادری رضوی رضی اللہ تبارک و تعالی عنہ کے نام پررکھا گیا ہے۔

علمی سرگرمیاں :

انجمن ضیائے طیبہ اپنے قیام سے اب تک ۲۰ سے زائد شعبہ جات میں مصروفِ عمل ہے ۔

آئندہ کے اَہداف :

  • جدید نصابِ تعلیم کےکینوس پر طلبہ میں اسلامی خدو خال کے نقوش واضح کرنا
  • قلم کاری،کالم نگاری کی تربیت کا اہتمام
  • ضیائی اوپن یونیورسٹی کا قیام۔(اس کے تحت فہم ِقرآن کورس، فقہِ حنفی کورس ،سیرتِ طیّبہ،عقیدۂ ختمِ نبوّت،تقلید،علم المناظرہ اور معمولاتِ اہلِ سنّت وغیرہ پر مبنی مختصر کورسز بذریعہ جدید آن لائن سسٹم و تدریس و مراسلت)
  • اہلِ سنّت کی ترویج واصلاح میں کمی کے پیشِ نظر، جریدےکا اِجرا
  • ضیائے طیبہ ویلفیئر و کفالت کا قیام

انجمن ضیائے طیبہ کے تمام شعبہ جات کی تفصیل اس ویب گاہ (ویب سائٹ)میں موجود علیحدہ علیحدہ صفحات پر مشتمل ہے ۔