تیز بارشوں کی صورت میں ہنگامی امداد کیلئے سیلانی رضا کار الرٹ
کراچی(اسٹاف رپورٹر)سیلانی ویلفئیر انٹرنیشنل ٹرسٹ کے سرپرستِ اعلیٰ اور ممتاز روحانی وسماجی شخصیت مولانا محمد بشیر فاروقی قادری کی ہدایت پرتیز بارشوں کی صورت میں ہنگامی امدادی کاموں کیلئے سیلانی کے رضا کاروں کو الرٹ کردیا گیا ہے ۔ رضا کاروں کے ناظمِ اعلیٰ عامر اقبال مدنی رضا نے بتایا کہ اندرونِ سندھ ممکنہ سیلانی صورتحال سمیت کراچی میں تیز بارش کی صورت میں ٹرسٹ نے متاثرین کی ہنگامی امداد کیلئے تمام انتظامات مکمل کرلیے گئے ہیں اور ضرورت پڑنے پر ہزاروں سیلانی رضا کار امدادی خدمات سر انجام دینے کیلئے میدانِ عمل میں ہونگے ۔ عامر مدنی نے وزیرِ بلدیات ناصر حسین شاہ کو بھی دعوت دی ہے کہ وہ سیلانی رین ایمرجنسی سینٹر کے معائنے کیلئے کسی بھی وقت سیلانی ہیڈ آفس کا دورہ کریں۔
