ابوحاتم المزنی،حضورِاکرم صلی اللہ علیہ وسلم کی صحبت سے فیض یاب ہوئے،مدنی ہیں،محمد اور سعید نے ان سے روایت کی،عبید نے کئی لوگوں سے،انہوں نے باسنادہم محمد بن عیسیٰ سے،انہوں نے محمد بن عمرو سے،انہوں نے حاتم بن اسماعیل سے،انہوں نے عبداللہ بن مسلم بن ہرمز سے،انہوں نے محمد اور سعید پسران عبید سے،انہوں نے ابوحاتم مزنی سے روایت کی،حضور اکرم نے فرمایا،اگرتم میں کوئی ایساآدمی شامل ہوجائے کہ جس کے دین اوراخلاق کوتم پسند کرتے ہو،تو فوراً اس کا نکاح کردو،اگر ایسانہ کروگے تو فتنہ و فساد کے لئے تیارر ہو۔

امام ترمذی لکھتے ہیں کہ ابو حاتم مزنی کو حضوراکرم کی صحبت نصیب ہوئی،مگر ان سے یہی ایک حدیث مروی ہے،تینوں نے ان کا ذکر کیا ہے۔