ابوخداش لخمی،انہیں صحبت ملی،وہ شامی ہیں ان سے عبداللہ بن محیریز نے روایت کی ابونعیم اور ابن مندہ نے مختصراً ان کا ذکر کیاہے۔

ابن اثیر لکھتے ہیں،کہ ابن مندہ اور ابونعیم نے ان کا ذکر اس مفروضے پر کیا ہے،کہ ابوخداش دوہیں حالانکہ وہ حقیقتاً ایک ہی آدمی ہے،چنانچہ اسی مفروضے می بناء پر پہلے مذکور ابوخداش کو بنو شرعب کا ایک شیخ لکھا ہے،اوریہاں ابوخداش کو لخمی لکھ کر یہ باور کرلیا ہے،کہ یہ دو آدمی ہیں لیکن اگر انہیں معلوم ہوتا،کہ بنوشرعب لخمی ہیں،تو وہ اس پر علیحدہ ترجمہ نہ لکھتے،اورابوعمر کا تتبع کرتے،ابوعمر نے صرف ایک ترجمے پر اکتفاکیا ،اور ابن محیریزکوان کا راوی گردانا،لیکن ابن مندہ اور ابونعیم نے جریر بن عثمان کو پہلے کاراوی،اورابن محیریز کو دوسرے کا راوی سمجھا،شرعب سے مراد ابن مالک بن ذعر بن حجر بن جدیلہ بن لخم ہے،جوبنولخم کا ایک ذیلی قبیلہ ہے،اس سے ظاہرہوا،کہ دونوں ایک ہیں،اور جس نے انہیں دوقراردیا ہے،وہ غلطی پر ہے۔