احمد بن محمد بن عبد الرحمٰن [1]طبری: بغداد کے فقہاء کبار میں سے تھے۔ کنیت ابو عمر تھی،فقہ آپ نے ابی سعیدبروعی سے حاصل کی اور امام ابی الحسن کرخی کے زمانہ میں درس و تدریس میں مشغول رہے۔علی قادری نے طبقات حنفیہ میں لکھا ہے کہ آپ امام ابی جعفر طحطاوی اور ابی الحسن کرخی کے طبقہ میں سے تھے۔آپ نے امام محمد کی جامع صغیر و جامع کبیر کی شرحیں لکھیں اور ۳۴۰؁ھ میں وفا ت پائی۔ طبری طبرستان کی طرف منسوب ہے جو بلا دعجم میں خراسان کے پاس ایک ملک کا نام ہے۔

1۔ ابن دانکا کے نام سے مشہور تھے(مرتب)

 (حدائق الحنفیہ)