حضرت علامہ مفتی حافظ بخش رحمۃ اللہ تعالیٰ علیہ

آنولہ ضلع بریلی وطن، وہیں ۱۲۶۵ھ میں ولادت ہوئی۔اپنے نانا قاری امام بخش سے حفظ قرآن پاک کیا،اور ابتدائی درسیات پڑھی۔۱۲۸۴ھ میں مدرسہ قادریہ میں داخل ہوکر حضڑت سیف اللہ المسلول معین الحق شاہ فضل رسول بد ایونی، حضرت تاج الفحول محب رسول مولانا شاہ عبد القادر بد ایونی،حضرت استاذ الاساتذہ مولانا شاہ نور احمد قدس اللہ اسرارہم سے پڑھ کر ۱۲۹۵ھ میں سند فراغ پائی،بعدہ کچھ دنوں درسۂ قادریہ میں درس دیا۔پھر مدرسہ محمدیہ چودھری گنج سے متعلق ہوگئے۔پوری زندگی علم دین کی اشاعت اور مذہب اہل سُنّت کی تبلیغ میں گذری،جزیاتِ فقہ بکثرت یاد تھے۔بد ایوں کے مفتی تھے۔حضرت تاج الفحول کے ارشد تلامذہ میں شمار تھا۔دو مرتبہ حج وزیارت سے مشرف ہوئے۔۳جمادی الاخریٰ ۱۳۳۹ھ بوقت گیارہ بجے دن انتقال ہوا۔مدفن درگاہ قادری میں ہے، حضرت مولانا قدیر بخش المتوفی ۱۳۷۶ھ مفتی جے پور نامور عالم وفاضل آپ کے بڑے صاحبزادے تھے۔مولوی عبد الغفور صاحب آنولوی مرحوم نے یہ تاریخ کہی ۔۔۔

متبع عرفاں، معدنِ ایمان،عالم وفاضل نیک خصال سالِ فنا ‘‘تاریخ شہادت’’ گفت بصد اندو، وملال

(تذکرہ علمائے ہند)