حضرت جمال الدین محمود بن علی العجمی رحمۃ اللہ تعالیٰ علیہ
محمود بن علی بن عبداللہ قیسرانی رومی المعروف بہ بالعجمی: جمال الدین لقب تھا۔علامۂ زمانہ،فقیہ محدث،ماہر علوم نقلیہ و عقلیہ تھے،قاہرہ میں تشریف لائے او تحصیل علوم میں مصروف ہوکر ماہر و باہر ہوئے۔عہدہ تدابیر امور اور قضاء حنفیہ کا آپ کے تفویض ہوا۔مدت تک درس تفسیرو حدیث کا دیتے رہے یہاں تک کہ ۷؍ماہ ربیع الاول ۷۹۹ھ کو فوت ہو گئے۔’’لمعات انوار‘‘ تاریخ وفت ہے۔ابن حجر عسقلانی کتاب مجمع اللمؤسس للمعجم المفہرس میں آپ کے حالات میں لکھتے ہیں کہ میں نے۷۸۶ھ میں اپ سے ملاقات کی اور کچھ پڑھا۔قیسرانی طرف شہر قیسر یہ کے منسوب ہے جو شام کے ملک میں ساحلِ بحر پر واقع ہے۔
(حدائق الحنفیہ)
