حضرت مولانا شاہ محمد اجمل سنبھلی رحمۃ اللہ تعالیٰ علیہ

والد کا نام شاہ محمد اکمل،بڑے بھائی کا نام مولانا شاہ محمد افضل، ۱۵محرم ۱۳۲۲ھ سال پیدائش ہے،ابتدائی تعلیم والد اور بڑے بھائی سےپائی،ابتدائی عربی شرح جامی تک اپنے چچیرے بھائی مولانا شاہ محمد عماد الدین سنبھلی سے پڑھی، معقول و منقول کی تحصیل وتکمیل حضرت صدر الافاضل مولانا حکیم محمد نعیم الدین فاضل مولانا حکیم محمد نعیم الدین فاضل مراد آبادی قدس سرہٗ سےکی،۱۳۳۹ھ میں سند فراغ حاصل کی،حضرت فاضل مراد آبادی کی معیت میں بریلی میں حاضر ہوکر اعلیٰ حضرت مولانا شاہ احمد رضا قدس سرہٗ سے بیعت کی،۱۳۴۴ھ میں مدرسہ اسلامیہ حنفیہ قائم کیا،اور درس دینا شروع کیا،ساری عمر افادۂ درس، وعظ وارشاد میں بسر فرمائی،نہایت پختہ مشق مدرس تھے، حضرت مولانا شاہ حامد رضا بریلوی اور اعلیٰ حضرت قطب العالم مخدوم علی حسین اشرفی قدس سرہما سے اجازت وخلافت پائی،کئی سال کی مسلسل علالت کے بعد اکسٹھ برس کی عمر میں ۲۸ربیع الثانی ۱۳۸۳ھ مطابق ۱۸؍ستمبر ۱۹۶۳ء کو بروز چہار شنبہ ۱۲؍بج کر ۴۵منٹ پر دارِ فنا سےدار بقا کی راہ لی،مرقد سنبھل میں ہے،فیصکہ حق وباطن،رد شہاب ثابق آپ کی مشہور کتابیں ہیں۔