حضرت مولانا ابولظفر سید شریف قادری نوشاہی رحمۃ اللہ تعالیٰ علیہ
راقم سطور کے کر مفر ما مولوی حکیم محمد امر تسری مدظلہٗ نے آپ کے احوال میں ذیل کی معلومات فراہم کیں ہیں موصوف بانی سلسلۂ عالیہ نوشاہیہ حضرت شیخ الاسلام حاجی محمد نوشہ گنج بخش قادری رحمۃ اللہ علیہ کی اولاد امجاد سے ہیں،اور موجود الوقت سجا ۔۔۔۔
حضرت مولانا ابولظفر سید شریف قادری نوشاہی رحمۃ اللہ تعالیٰ علیہ
راقم سطور کے کر مفر ما مولوی حکیم محمد امر تسری مدظلہٗ نے آپ کے احوال میں ذیل کی معلومات فراہم کیں ہیں موصوف بانی سلسلۂ عالیہ نوشاہیہ حضرت شیخ الاسلام حاجی محمد نوشہ گنج بخش قادری رحمۃ اللہ علیہ کی اولاد امجاد سے ہیں،اور موجود الوقت سجادہ نشین ہیں،ان کی پیدائش ۱۹؍شعبان ۱۳۲۵ھ مطابق ۲۸؍ستمبر ۱۹۰۷ھ کو بمقام ساہن پال شریف ضلع گجرات میں ہوئی،درس نظامی کی تکمیل والد ماجد حضرت مولانا سید غلام مصطفیٰ شاہ نوشاہی رحمۃ اللہ علیہ اور دادا جان حضرت مولانا حافظ سید محمد شاہ نوشاہی رحمۃ اللہ علیہ سے کی،فن کتابت اور علم تفسیر کا فیض مولانا محمد حسین صاحب حنفی، ‘‘مبارک رقم’’ رحمۃ اللہ علیہ سے حاصل کیا،۔۔۔۔۔آپ فنانی العلم بزرگ ہیں،اس وقت تک دو سو۲۰۰ سے زائد رسائل وکتب تصنیف فرماچکے ہیں جو فن تاریخ،تصوف ،فقہ،حدیث، عملیات،طب،شعر وادب،علم الانساب، پر مشتمل ہیں،ان میں سے کچھ کتابیں عربی زبان میں ہیں،اور کچھ فارسی میں ،لیکن زیادہ تر اُردو میں ہیں۔
راقم الحروف (محمد موسیٰ) ان کے علم کی گہرائی اور گیرائی اور عشق صادق سے بے حد متأثر ہے،اگر میرے پاس خاناں جتنی دولت ہوتی تو انہیں سونے میں تول دیتا،گویا آپ اس بے قدری کے دورمیں وہ کام کر رہے ہیں جو بادشاہوں کی سر پرستیوں میں بھی کم کسی کو نصیب ہوتا تھا۔۔۔۔ حال ہی میں آپ نے درود شریف(عربی)تصنیف فرمایا ہے،اس کے ۱۲۸ صفحات ہیں، اس کا نام ‘‘شریف الصَّلوٰۃ عَلیٰ سیّد الکائنات ’’ ہے،۔۔۔۔۔۔ عربی،فارسی،اور اردو میں کوب شعر کہتے ہیں،شرافت تخلص ہےفن تاریخ گوئی میں یگانۂ روزگار ہیں، کئی کتابیں منظوم لکھی ہیں،حضرت کی تصانیف میں سے چند نام یہ ہیں،
1. شریف الصلوٰت علیٰ سید الکائنات (عربی)۔
2. در یتیم فی فضائل بسم اللہ الرحمٰن الرحیم(عربی)۔
3. طراز الاولیاء(عربی)۔
4. شریف التوریخ (تین جلدیں ضخیم) اردو،
5. تاریخ عباسی(اردو،)۴۰۰صفحات،
6. الروض الجنان فی احادیث سیّد الانس والجان(علم حدیث میں۔عربی)
7. ظہور الانوارنی زیارۃ النبی المختار(اردو)۔
8. غرابت الاقوال(تاریخ ساہن پال)
9. قسطاس القادریہ (فضائل قادریہ میں۔فارسی)۔
10. یواقیت والمرجان فی مناقب الشیخ عبد الرحمٰن (فارسی)۔
آپ کو اجازت و خلافت اپنے والد ماجد رحمۃ اللہ علیہ سے ہے۔