ابراہیم بن جراح کوفی نزیل مصر عالم فاضل فقیہ محدث تھے۔فقہ وحدیث کو امام ابو یوسف سے اخذ کیا اور سُنا ار ان سے اور ابی جعد وغیرہ سے امالی کو لکھا ۔امالی جمع املاءکی ہے اور املاء اس کو کہتے یں کہ ایک عالم کے ارد گرد اس کے شاگرد کا غذ قلم لے کر بیٹھ جائیں اور جو تقریر وہ کرے اس کو لکھتے ہیں یہاں تک کہ ایک کتاب بن جائے چنانچہ علمائے سلف اہل حدیث وفقہ و عربی کا افادۂ علوم میں ایسا ہی دستور تھا ۔ آپ مدت تک کوفہ کے قاضی رہے اور ماہ محرم ۲۱۷ھ؁ میں وفات پائی۔ ’’ آئینہ عالم ‘‘ آپ کی تاریخ وفات ہے۔

(حدائق الحنفیہ)