مخدوم شیخ عبد الرشید بن شیخ مصطفیٰ عبد الحمید عثمان: پہلا نام آپ کا محمد رشید تھا اور اسی کو دوست رکھتے تھے اور مراسلات و مکاتبات میں لکھتے تھے،لقب آپ کا شمس الدین تھا،مشاہیر علماء وقت اور اکابر مشائخ زمانہ سے تھے،بعد تحصیل علومِ اصولیہ وفروعیہ کے درس و تدریس میں مشغو رہے،پھر جاذبۂ حقیقی سے اپنے والد ماجد کے مرید ہوکر تمام تعلقات کو ترک کردیا،اکثر کتب حقائق و مارف کو مطالعہ کرتے اور کتب عربی سے بڑا ذوق رکھتے تھے۔شیخ محی الدین کی کتاب اسرار المخلوقات کی عمدہ شرح تصنیف فرمائے۔وفات آپ کی ۱۰۵۵؁ھ میں ہوئی۔ ’’خواجۂ گیتی‘‘ تاریخ وفات ہے۔

(حدائق الحنفیہ)