قاسم بن حسین بن احمد المعروف بہ صدر الافاضل خوارزمی نحوی: ۹؍ماہِ شوال ۵۵۵؁ھ میں پیدا ہوئے۔ابو محمد کنیت اور مجد الدین لقب تھا،سچ مچ کے صدر الافاضل اور عربیت وغیرہ علوم میں یگانۂ زمانہ اور طبع نقاد اور نظم و شعر میں مہارت کامل رکھتے تھے،علاوہ اس کے برے خوش خلق اور تیز زبان تھے،فقہ برہان الدین ناصر صاحب مغرب تلمیذ ابی المؤید موفت ابن شاگرد نجم الدین عمر نسفی سے حاصل کی اور کتاب تجمیر شرح مفصل اور کتاب شرح سقط الزند اور کتاب توضیح شرح مقامات اور کتاب شرح انموذج اور نحو میں شرح ابینہ وزوایا اور بیان میں شرح محصل وغیرہ تصنیف کیں۔۶۱۷؁ھ میں تاتاریوں نے آپ کو قتل کیا۔’’قطب وقت‘‘ آپ کی تاریخ وفات ہے۔

(حدائق الحنفیہ)