سودہ قرشیہ،رسولِ اکرم صلی اللہ علیہ وسلم نے ان کو نکاح کا پیغام بھیجا،اور اس خاتون کے کئی بچے تھےاس نے جواب میں کہلا بھیجا،میں اس بات کو نا پسند کرتی ہوں کہ یہ بچے آپ کے اردگِرد شور مچاتے رہیں۔

شہر بن حوشب نے ابن عباس سے روایت کی کہ حضورِاکرم صلی اللہ علیہ وسلم نے ایک قریشی خاتون کو جس کے پانچ بچے چھ تھے،نکاح کا پیغام بھیجا،اس خاتون نے جواب میں کہلا بھیجا،بخدا میر ی راہ میں کوئی رکاوٹ نہیں،اور آپ میرے نزدیک محبوب ترین انسان ہیں،لیکن میں اس بات کو سخت ناپسند کرتی ہوں کہ یہ بچے صبح وشام آپ کے آگے پیچھے چیختے چلاتے رہیں،آپ نے فرمایا،اللہ تجھ پر رحم کرے،ان خواتین میں سے جو اُونٹ کی پیٹھ پر سوار ہوئیں،قرہش کی وہ نیکو کا ر عورتیں ہیں!جو اپنے معصوم بچوں سے شفقت سے پیش آتی ہیں اور اپنے خاوند کے مال کی حفاظت کرتی ہیں،ابن مندہ اور ابو نعیم نے ان کا ذکر کیا ہے۔