شہید غزوہ احد حضرت سیدنا ثقب ابن فروہ بن البدن الانصاری رضی اللہ تعالیٰ عنہ
انصاری ساعدی۔ واقدی نے ایسا ہی بیان کیا ہے اور عبداللہ بن محمد نے اور ابراہیم بن سعد نے ابن اسحاق سے ثقیب بن فروہ روایت کیا ہے۔ یہی ہیں جن کو بعض لوگ اخرس کہتے ہیں اور بعض کتب سیر میں ان کا امام ثقف فے کے ساتھ ہے مگر صحیح ثعب یا ثقیب ہے بے کے ساتھ جیسا کہ ابن قداع نے کہا ہے۔ یہ ابن قداح وہی محمد بن عمارہ انصاری عالم نسب ہیں انصار کے نسب کو یہ سب سے زیادہ جانتے ہیں۔ یہ ثقب ابو اسید ساعدی کے چچازاد بھائی ہیں احد میں شہید ہوئے تھے۔ ہم نے ابو اسید ساعدی کے تذکرہ میں بیان کیا ہے کہ بعض لوگ (ان کے دادا کا نام) بدن کہتے ہیں اور بعض لوگ بدی کہتے ہیں۔ انک ا تذکرہ ابو عمر اور ابو موسینے لکھاہے مگر ابو موسی نے کہا ہے کہ (ان کا نام) ثقیف (ہے) حالانکہ یہ وہم ہے بعد اس کے انھوںنے کہا ہے کہ ثقب احد کے دن شہید ہوئے اور رسول خدا ﷺ نے ان کی شہادت کی گواہی دی ان کا نسب ابو اسید کے تذکرے میں آئے گا۔
(اسد الغابۃ جلد نمبر ۲)
