آپ سیّد سلطان علی شاہ بن سید اکبرعلی شاہ سنگھوئی والہ رحمتہ اللہ علیہ کے اکلوتے بیٹے اورمرید وخلیفہ تھے۔آپ امیرطبع ۔نازک مزاج۔لیاقت و قابلیّت والے تھے۔مہمانوں کی خدمت ومدارات بہت کرتے۔اپنے والد کی زندگی میں ہی انتقال کیا۔۳۲سال عمرپائی۔

اولاد

آپ کے ایک ہی فرزند سیّدہادی حسین شاہ ہیں۔متولد ۹ ستمبر۱۹۱۳ء؁ ۔یہ اس وقت سنگھوئی شریف میں مسندآرائے طریقت ہیں۔بڑے بارعب ہیں۔دنیاوی مال وجاہ و ثروت بھی کافی ہے۔اپنے جد امجدکاعُرس بڑے اعلیٰ پیمانہ پر کرتے ہیں۔ان کے دو لڑکے ہیں۔

ا۔صاحبزادہ محبوب حسین شاہ سلمہ اللہ۔یہ بہترین ادیب و شاعرہیں۔سلمہ اللہ

۲۔صاحبزادہ ایوب حسین شاہ سلمہ اللہ۔یہ بھی صاحب علم ہیں۔سلمہ اللہ

تاریخ وفات

سیّد ملک شاہ کی وفات بروزچہارشنبہ ۔ساتویں ذیقعد ۱۳۳۴ھ؁ مطابق ۶ ستمبر ۱۹۱۶ء؁ موافق ۲۲بھادوں۱۹۳۷؁بکرمی میں  ہوئی۔

آپ کی قبرسنگھوئی شریف ۔ضلع جہلم میں ہے۔

قطعہ تاریخ

مادۂ تاریخ                "فروغ کوکب"۔

(سریف التواریخ جلد نمبر ۲)