آپ سیّد جِھناں شاہ بن سید بوٹے شاہ چک سادہ والہ رحمتہ اللہ علیہ کے تیسرے بیٹے مریداور خلیفہ تھے۔

اخلاق و کمالات

آپ شریعت کے پابند۔پرہیزگار۔اہل دل خدایاد تھے۔سخاوت وشجاعت میں لاثانی تھے۔مسافروں کے واسطے ضیافت کاسامان  فراخ رکھتے۔درود شریف ہزارہ کا وظیفہ عام تھا۔ سورۂ مزمّل شریف کےعامل تھے۔شب بیدار تھے۔ذکر حق میں اس حد تک محویت تھی۔ کہ اگر کوئی شخص کلام کرتاتوفرماتے پھربات کرو۔مجھے یاد نہیں رہی۔اربابِ باطن سے تھے۔خضر صورت مسیحا سیرت تھے۔سمائل اوان ضلع سیالکوٹ میں سکونت رکھتے تھے۔صاحبِ کرامات تھے۔

گہرے پانی سے پایاب گذرنا

ایک بار آپ دادووالی سے سمائل اوان کو جارہےتھے۔راستہ میں نالہ ایک بڑے زور سے جاری تھا۔وہاں کے ماچھی سناہی پر لوگوں کو پار لنگھاتے تھے۔آپ راستہ سے مغرب کی طرف ہوکر پایاب گذرگئے۔علی  محمد نے بچشمِ خود دیکھاتو سب لوگ سلامی ہوئے۔

ایک شخص کو مجذوب بنانا

ایک بار ضلع جہلم کاایک لڑکانورنامی آپ کی بیعت ہوا۔آپ نے ایسی نگاہ فرمائی کہ اس پرحالت جذب طاری ہوگئی اور وہ مجذوب ہوگیا۔ایک مہینہ دادووالی میں رہا۔ پھرموضع نذرپور کے گورستان میں ڈیرہ کیا۔

ملفوظ

آپ فرمایاکرتے۔فقیر دنیامیں اس طرح رہتاہے۔جیسے مرغابی پانی میں۔ جب  اُڑتی ہے تو خشک پَراُڑجاتی ہے۔آپ یہ شعر پڑھاکرتے؂

اولاد

آپ کے پانچ بیٹے ہیں۔

۱۔سید فقیرشاہ۔

۲۔سیداحمد شاہ۔

۳۔سیّد رحمت شاہ۔

۴۔سید محمد ظریف۔

۵۔سید شمس الدین۔پانچوں اس وقت موجود ہیں۔

؎         مولوی سیّدشمس الدین ۔اہل علم واہل شریعت صوفی منش ہیں۔فقیر سید شرافت عافاہ

اللہ  کو ۱۳۵۲ھ؁ میں بمقام چک سادہ ملے۔نہایت اخلاص سے پیش آئے۔یہ حضرات

چک سادہ کانسب نامہ انہیں سے مرتب کیا۔ان کے تین بیٹے ہیں۔صاحبزادہ  ابوالطیب

محمد ظریف۔سید محمد نذیر۔سید محمد صدیق۔تینوں اس وقت موجودہیں۔

یاران طریقت

آپ کے خواص احباب یہ ہیں۔

۱۔سید رحمت شاہ فرزند                             سمائل اوان          ضلع سیالکوٹ

۲۔مولوی سید شمس الدین فرزند                     سمائل اوان          ضلع سیالکوٹ

۳۔سائیں نورمجذوب لاہوری

۴۔سائیں بوٹاموچی صاحب کشف تھا                دادووالی            ضلع سیالکوٹ

۵۔قاضی محمد حسین شاعر                          دادووالی            ضلع سیالکوٹ

۶۔میاں علی محمد باٹھ                               باٹھ               ضلع سیالکوٹ

مدحیات

آپ کی تعریف میں قاضی محمد حسین شاعر نے ایک پنجابی سی حرفی لکھی ہے اور ایک عرس شریف کے موقعہ پرنظم لکھی وہ یہ ہے؂

تاریخ وفات

سید شرف شاہ کی وفات بارہویں شوال ۱۳۴۴ھ؁ میں ہوئی۔آپ کی قبرموضع سمائل اوان۔تحصیل ڈسکہ ضلع سیالکوٹ میں ہے۔سالانہ عرس پندرہ جیٹھ کو ہوتاہے۔

قطعہ تاریخ

ازقاضی محمد حسین ساکن دادووالی

دیگر

۱؎اصل شعرمیں اسی طرح ہے۔لیکن اگرماہ بساکھ ٹھیک ہے تو ۲۴اپریل چاہیئےاوراگرمئی صحیح ہے تو ماہ جیٹھ کی گیارہ تاریخ چاہیئے۔۱۲

دیگر

ازمولاناعطانظامی ساکن جیٹھی کے

مادۂ تاریخ                        "عابدِ خداپرست"۔

۱؎لفظ اہل درفش بے معنی ساہے۔نیزاس مصرعہ سے ۱۳۴۲ھ؁ ظاہرہوتاہے۔حالانکہ ۱۳۴۴ھ؁ صحیح

ہے۱۲سیّد شرافت

(سریف التوایخ جلد نمبر ۲)