تخت اتے سلطان علی شاہ ہُن پئے حکم چلاندے

     ذوالقرنین سکندروانگوں دجلہ پئے دِکھاندے

جس پاسے سلطان علی شاہ نظر مبارک کردے

             ڈردے مارے لوک تمامی اُچاساہ نہ بَھردے

برکت یمن کرامت جس وچہ آپ خداوند پائی!

ہےایہ باغ نظاماں کھڑیاواہ واہ دیکھ نوشاہی

کی کجھ کراں تعریف انہاندی میراعقل خطائی!

سلطان علی شاہ ساڈے بھائی ہے نوشہ دی جائی

واہ واہ پیرمکمل کامل سانوں نظریں آیا!

وچہ سنگھوئی دَر نوشاہیاں آئیں سلیس نوایا!

کلمہ آکھ شہادت منہ تھیں خاص یقین لے آیا

شالاہردم سرمیرے تے رہےنوشہ دا سایا

مہرکریں سلطان اساڈے پائیں نظر حضوروں

          جِند غریباں دی مت چھٹے ہرنقصان فتوروں

ہرکوئی درتیرے توں پیراں پامراداں جاوے  

           کیوں ملنگ تیرے درباروں خالی کاسہ جاوے

پائیں خبرمیرے وچہ کاسےمڑخالی نہ جاواں

لے کے خیرتیرے درباروں دن تے راتیں کھاواں

حال معلوم تسانوں حضرت کی میں کوک سُنائیں

           سلطان ملک داصدقہ کرکے نظر مہردی پائیں

بس ملنگاشورنہ کرتوں کیوں اتنی ڈنڈپاویں

حرف غلط مت نکلے کوئی جان اُلٹی مروا دیں

یاسخیاکرنظرمہردی نہ کر اِتنی دیری!

پاک جناب خداونداندرہے منظوری تیری

توڑے تے میں سگ دیوانہ پاپی بہت نکاری

           پر میں ہردم یاحضرت جی کرم چاہاں سرکاری

منہ میراکی عرضاں لائق جے میں کراں ککارا

میراحال معلوم تسانوں ظاہر باطن سارا

تن میراہے یا حضرت جی نال پلیتی بَھریا

صرف میں مان تران تساڈانام تیرے دادھریا

کرونگاہ کرم دی ذرّہ یا سلطان مُلک دے

مہرنظرکرجھاتی پاؤعاجزکہہ نہ سکدے

میں ہاں نال خطایاں بھریاکرومعاف خطائی

جہڑی غلطی دیکھوکوئی جھب لے پردہ پائی!

شاہ سلطان علی دے درتے جاندی خلق سلامی

واہ دوہاندی اس اک جانی ہے منظور غلامی!

اے سخی سرادرہمارے یانوشہ دا لعلا

دھکے دیوے کل لوکائی توں ہتھ پکڑن والا

قدم مبارک پاؤ حضرت میں سراگے دھرنا!

قبلہ کعبہ توہیں میراتدھ دل عرضاں کرنا

لے دشمن نِت فوجاں چڑھدامینوں مارن دھاناں

دوہاں جہاناں اندر مینوں نام تیرے داماناں

تھوڑابہتااوگنہاری تیرا پھڑیادامن

ہرمیدان ہرجائی اندر آپ ہو یا ایہ ضامن

کرومعاف قصور بندے داجوکجھ غلطی ہوئی

ایس نظام تیرے درباہجوں جاگہ ہورنہ کوئی

شان بیان تساڈاحضرت میں تھیں ہونہ سکیا

لو کاں ماناں ہورکسے دے میں تیرادرتکیا

طریقہ پردے پوش فقیری حال نہ دسّن عامی

اگے نال خطایاں بھرماجگ سادے بدنامی

ہردے عیباں پردہ پاوے سچارب غفاری

نظام دیں ہن کلمہ پڑھ توں وچہ جناب ستاری

فضل اللہ دامددپیراں دی نال ایہ مدح بنائی

کلمہ پڑھومحمد والارَل مل سارے بھائی