آپ حضرت سیّد محمد سعیددُولابن سید محمد ہاشم دریادل رحمتہ اللہ علیہ کے فرزند اکبراورمریدو خلیفہ تھے۔

تعلیم   

آپ علم ادب وفقہ و عروض کے بڑے عالم تھے۔آپ کے ہاتھ کی کتاب عروض سیفی  یادگارہے۔اُس پرآپ کی مندرجہ ذیل مُہرثبت ہے۔

سجع مُہر 

آپ کی مُہرکاسجع یہ تھا۔

"زلطف حاجی وہاشم سعیدہیبت شاہ"

فائدہ   

اس سجع میں یہ صفت بھی ملحوظ ہے کہ اس میں آپ کے والد اوردادااورپرداداکے نام بترتیب نزولی آگئے ہیں۔

واقعہ شہادت    

آپ ابھی نوجوان تھے۔آپ کی شادی تیارتھی۔نکاح کا دن تاریخ مقرر ہوچکاتھا۔آپ ایک روزشکارکو تشریف لے گئے۔آپ کی سواری میں نہایت عمدہ گھوڑی تھی۔ جب نَیستاں میں پہنچے تووہاں چند ڈاکو بیٹھے تھے۔انہوں نےگھوڑی کےلالچ میں آپ کو شہید کردیا اور گھوڑی لے گئے۔آپ کے پاس کولی نام شکاری کُتّی تھی۔وہ واپس آئی اورلوگوں کے دامن منہ میں پکڑ کر کھینچتی۔آخر وہ کھینچ

کرنعش کے پاس لے گئی۔آپ کی شہادت سے خاندان کو بہت صدمہ ہوا۔

علّامہ شیخ محمد ماہ صداقت کنجاہی رحمتہ اللہ علیہ نے اس واقعہ کے متعلق ثواقب المناقب میں لکھا ہے۔"ہم دریں ایّام طاؤسِ خلد مانوس یعنی میاں ہیبت شاہ خلف الرشیدِ آں گلشنِ کرامت بآبِ شمشیرِ باغیاں رنگ صبغتہ اللہ شہادت ریخت"۔

کرامت

قاتلوں کا سزایاب ہونا            

منقول ہے کہ آپ کو شہید کرنے والے موضع چھمّوں ضلع گجرات کے ڈاکوتھے۔جب وہ گھوڑی لے کر چلے گئے تو آگے جاکراُس کی تقسیم میں اُن کا تنازعہ ہوگیا۔ ہر ایک یہی چاہتاتھاکہ گھوڑی مجھ کو ملے۔آخراسی چَخ مچخ میں وہ آپس میں لڑپڑے اورایک دوسرے کے ہاتھ سے قتل ہوگئے۔

تاریخ شہادت   

سیّد ہیبت شاہ کی شہادت اپنے والد کی زندگی میں ۱۱۲۶ھ؁ میں ہوئی۔ گورستانِ نوشاہیہ میں مدفون ہوئے۔

چُورہ ہیبَت شاہ

جس زمین پرآپ شہیدہوئے تھے ۔اُس خون آلودزمین کو کھود کر مسمّی شام سنگھ اگروئیہ نے ایک گھڑا میں ڈال کر اپنے گھر میں تبرکاً رکھ لیا۔جوکچھ عرصہ کے بعد زمیندارانِ اگرویہ نے اُس سے لے کر اپنے گاؤں کی سرحد میں دفن کردیااوراُس پر قبر بنادی۔جو تک بنام "چورہ ہیبت شاہ"مشہورہے

اورموضع اگرویہ اور دبھولہ کے درمیان کلّر میں موجودہے۔

امسال ۱۳۷۶ھ؁ میں مسمّی محمد الدین بن امیرابافندہ اگروئیہ نے جو میرے والد اعلیٰ حضرت سیّد غلام

مصطفےٰ نوشاہی برخورداری ادام اللہ برکاتہٗ کا مرید ہے ۔اُس چورہ کی عمارت کو پختہ کروادیاہے اور اُس

پر ایک چھوٹاساگنبدبنوادیاہے۔جزاہ اللّٰہ  تعالٰی

مرثیہ و تاریخ

ازعلّامہ شیخ محمد ماہ صداقت کنجاہی صاحب ثواقب المناقب

مادہ ہائےتاریخ

۱۔       آیت شریف                  ادخلوالجنۃ

۲۔       آیت شریف                  تامرون بالمعروف

(شریف التواریخ جلد نمبر ۲)