بن مقرن: ایک روایت کے رو سے ان کا سلسلۂ نسب حسب ذیل ہے: نعمان بن عمرو بن مقرن بن عائد بن میجا بن ہجیز بن حبشیہ بن کعب بن عبد بن ثور بن ہدمہ بن لاطم بن عثمان بن عمرو بن اوبن طابخہ مزتی اور عثمان کی اولاد مزینہ شمار ہوتی تھی کیونکہ وہ اپنی ماں کی طرف منسوب تھے ان کی کنیت ابو عمرو یا ابو حکیم تھی اور فتح مکّہ کے موقعہ پر بنو مزینہ کا علم ان کے پاس تھا مصعب سے مروی ہے کہ نعمان بن مقرن نے اپنے سات بھائیوں کی معیت میں ہجرت کی تھی۔

ان سے مروی ہے کہ بنو مزینہ کا وفد جب رسولِ اکرم صلی اللہ علیہ وسلم کی خدمت میں حاضر ہوا تھا تو وہ چار سول سواروں پر مشتمل تھا اولاً انہوں نے بصرے میں سکونت اختیار کی پھر کوفے میں منتقل ہوگئے اور بعد میں مدینے آگئے اور وہاں قادسیہ کی فتح ان کے طفیل حاصل ہوئی۔

جب نہاوند پر حملہ ہونے کے لیے سوار حضرت عمر رضی اللہ عنہ کے پاس جمع ہوئے تو خلیفہ نے اہل بصرہ اور کوفہ کو لکھا کہ دونوں شہروں کے دو ثلث مرد ان کار اسلامی لشکر میں شمولیت کے لیے مدینہ پہنچ جائیں میں ان کی کمان ایسے آدمی کے حوالے کروں گا جو اس کام کے لیے موزوں ہوگا مسجد نبوی میں آئے تو نعمان بن مقرن کو نماز پڑھتے دیکھا انہوں نے انہیں میدانِ جنگ کو روانگی کا حکم دیا اور لشکر کی کمان ان کے سپرد کی اور فرمایا کہ اگر نعمان شہید ہوجائیں تو حزیفہ کمان سنبھال لیں اور اگر حزیفہ بھی شہید ہوجائیں تو جِریر کمان دار ہوں گے۔

نعمان نے کوچ کیا اور ان کے ساتھ حزیفہ، مغیرہ بن شعبہ، اشعت بن قیس، جریر اور عبد اللہ بن عمر بھی تھے جب نہاوند کے مقام پر پہنچے تو جناب نعمان نے اسلامی لشکر سے مخاطب ہوکر کہا۔ ’’اے مسلمانو! میں حضور اکرم صلی اللہ علیہ وسلم کے ساتھ غزوات میں شریک رہا ہوں جب تک زوال نہ ہوجاتا آپ صلی اللہ علیہ وسلم صبح کی جنگ کو آخری شکل نہیں دیتے تھے اے اللہ تو نعمان کو شہادت عطا فرما، اور مسلمانوں کو دشمن پر فتح عطا فرما‘‘ اس پر سارے لشکر نے آمین کہی نیز جب میں علم کو تین دفعہ ہلاؤں تو آخری جنبش پر یک لخت دشمن پر حملہ کردینا اور اگر میں مارا جاؤں تو میرے پاس کوئی نہ رکے جب کمان دار نے تیسری بار علم کو جنبش دی، تو مسلمانوں کو فتح عطا فرمائی یہ جنگ اکیس ہجری میں واقع ہوئی تھی اقور کماندار کی شہادت جمعہ کے دن ہوئی تھی۔

جب خلیفہ کو ان کی شہادت کی خبر ملی تو مسجد میں آئے اور منبر پر بیٹھ کر لوگوں کو نعمان کی شہادت کی خبر سنائی پھر سر پر ہاتھ رکھ کر رونے لگ گئے جناب عبد اللہ بن مسعود نے فرمایا ایمان کے بھی گھر ہیں اور نفاق کے بھی گھر ہیں ابن مقرن بھی ایمان کا یک گھر تھا۔ جنابِ نعمان سے معقل بن یسار محمد بن سیرین اور ابو خالد والبی نے روایت کی۔