ابن حکم لیثی۔ بصرہ میں رہتے تھے پھر کوفہ چلے گئے۔ انکا نسب کسی نے بیان نہیں کیا۔ یہ ثعلبہ بیٹیہیں حکم بن عرفطہ بن حارث بن لقیط بن یعمر شداخ بن عوف بن کعب بن عامر بن لیث بن بکر بن عبد مناہ بن کنانہ کے کنانی ہیں لیثی ہیں کہتے تھے کہ میں رسول خد اھ کے زمانے میں بچہ تھا۔ ان سے سماک بن ہرب نے اور یزید بن ابی نزد نے رویت کی ہے۔ خیبر میں شریک تھے۔ ہمیں ابو الفضل عبداللہ بن احمد نے اپنی اسناد سے ابو دائود طیالسی تک خبر دی وہ شعبہ سے وہ سماکس ے راوی ہیں وہ کہتے تھے کہ میں نے ثعلبہ بن حکم کو یہ کہتے ہوئے سنا کہ ہم نبیﷺ کے ہمراہ (خیبر میں) تھے لوگوںنے کچھ بکریاں لوٹیں (اور ان کو ذبح کر کے پکنے کے لئے دیگوں میں رکھ دیا) حضرت نے اس سے منع فرمایا اور دیگیں الٹ دی گئیں اور اسرائیل نے سماک سے انھوں نے ثعلبہ سے روایت کی ہے کہ انھوں نے کہا خیبرکے دن کچھ بکریان ہم نے پائیں الخ اور اسباط نے اس حدیث کو سماک سے انھوںنے ثعلبہ سے انھوںنے ابن عباس سے رویت کیا ہے کہ انھوںنے کہا خیبرکے دن لوگوںنے کچھ گدھے لوٹے اور ان کو ذبح کر پکانے لگے نبی ﷺ نے حکم دیا تو دیگیں الٹ دی گئیں اور اس حدیث کو جریر نے ابو زیاد سے انھوںنے ثعلبہ سے انھوںنے نبی ﷺ سے روایت کیا ہے انھوںنیابن عباس کا ذکر نہیں کیا۔ انکا تذکرہ تینوں نے کیا ہے۔

(اسد الغابۃ جلد نمبر ۲)