امِ قرثع،ان کا نسب مذکورنہیں،ابوموسیٰ نے اذا ابوعلی سے،انہوں نے ابونعیم سے،انہوں نے ابو محمد بن حبان سے،انہوں نے محمد بن جریر سے،انہوں نے عصام بن رواد سے،انہوں نے والد سے ، انہوں نے عمرو بن قیس سے،انہوں نے عطاء سے،انہوں نےام قرثع سے روایت کی کہ وہ رسولِ اکرم صلی اللہ علیہ وآلہ وسلم کی خدمت میں حاضر ہوئیں،اور انہوں نے گزارش کی،یارسول اللہ! میری عقل میں کچھ فتور ہوگیا ہے،آپ میرے لئے دعا فرمائیں کہ یہ فتور رفع ہوجائے آپ نے فرمایا، اگر تو چاہتی ہے،کہ تو تندرست ہوجائے،تو میں جنابِ باری میں شفاکی دعا کرتا ہوں،تو ٹھیک ہوجائیگی لیکن اگرتو صبر کرتی ہے،تو تجھے جنت کی بشارت دیتاہوں،ابوموسیٰ اور ابونعیم نے ان کا ذکر کیا ہے۔

ہم اس حدیث کو ام زفر کے ترجمے میں بیان کر آئے ہیں،ایسا معلوم ہوتا ہے کہ نام میں تصحیف ہوگئی ہے۔