30
Aug
پیغامِ قطبِ مدینہ
- جو شریعت کا پابند نہیں وہ طریقت کے لائق نہیں۔
- خواہش پرستی مُہلک رفیق ہے اور بُری عادت زبردست دشمن ہے۔
- جو شخص اپنے کام کو پسند کرتا ہے اس کی عقل میں فُتُور آجاتا ہے۔
- دولت کی مستی سے خدا عَزَّوَجَلَّ کی پناہ مانگو، اس سے بہت دیر میں ہوش آتا ہے۔
- دنیا بہت بُری چیز ہے جو اس میں پھنسا وہ پھنستا ہی چلا جاتا ہے اور جو اِس سے دُور بھاگتا ہے اُس کے قدموں میں ہوتی ہے۔
- کسی نیک عمل کی توفیق ہونا ہی قبولیت کی نشانی ہے۔
- مدینۂ منوّرہ زَادَھَا اللہُ شَرَفًاوَّ تَعْظِیْمًا میں اگر کسی کا خط پڑھا جاتا ہے، اس کا ذکر کیا جاتا ہے یا اس کا نام لیا جاتا ہے تو یہ اس کی خوش نصیبی ہے۔
- گنبدِ خَضرا کی زیارت عبادت ہے۔
- اللہ تعالیٰ کا بہترین عطیہ ماں ہے اس کی دل سے قدر کرو۔
- میں نے سب سے پہلے ماں کی آنکھوں میں محبّت کا رنگ دیکھا۔
- میں نے زندگی میں ثابت قدمی کا درس اپنی ماں سے سیکھا۔
- ایک عورت کی تعلیم کنبے کی تعلیم ہے اور مرد کی تعلیم صرف اس کی تعلیم ہے۔
- نجد کی مٹّی میں خیر نہیں۔
- مدینۂ طیّبہ میں ہمہ وقت ادب و احترام کی حالت میں رہنا خداوندِ قُدّوس کی نعمتوں میں سے ایک نعمتِ عظمیٰ ہے اور حصولِ خوشنودیِ سرکارِ دو عالمﷺ کا منفردذریعہ اور عمدہ وسیلہ ہے۔
