اُس رُخِ پاک کا جس بزم میں چرچا ہوگا در و دیوار سے واں نور برستا ہوگا کیوں نہ ہو غیرتِ برگِ شجر طور زباں جب مِرے مُنھ میں تِرا وصفِ سراپا ہوگا حَبَّذَا صاف جبیں صَلِّ عَلٰی پیشانی شعلۂ طورِ خجل دیکھ یہ ماتھا ہوگا ماہِ نو عیدِ شفاعت کا چمک جائے گا جس طرف حشر میں ابرو کا اشارہ ہوگا پھر تصور درِ دنداں کا بندھا آنکھوں میں پھر درِ اشک مِرا گوہرِ یکتا ہوگا جو مدینے کے مکانوں کی کرے گا تعریف ہے یق...
جس کو خدا نے واصفِ خیرالورا کیا کیا کچھ عطا کیا جسے سب کچھ عطا کیا ایمانِ مومنین ہے حُبِّ محمدیﷺ کیا کہیے اُس کو جِس نے کہ ترکِ وِلا کیا ارواحِ مومنین ہے کامل اُسی کا نام جِس نے کہ جان و مال نبیﷺ پر فدا گیا خلّاقِ دو جہاں نے کلامِ قدیم میں رفعت کے ساتھ ذکرِ رسولِ خداﷺ کیا اور اس خدائے پاک نے ایمان و الوں کو حکمِ دُرودِ مصطفوی کو عطا کیا وہ بے نصیب رہ گیا ایوائے بے نصیب جِس نے متاعِ وصلِ نبی ...
جو پناہِ سیّدِ کون و مکاں میں آ گیا وہ بلا شک حق تعالیٰ کی اماں میں آ گیا جِس نے حضرت کو وسیلہ، دوستو! پیدا کیا میں یہ کہتا ہوں کہ وہ دار الاماں میں آ گیا رحمۃ للعالمیں جس روز سے پیدا کیا اور ہی اک فیض کا عالم جہاں میں آ گیا ہوگیا کیا رشکِ جنّت یہ گلستانِ جہاں جیسے اُس گُل کا قدم اِس گلستاں میں آ گیا فیضِ انوارِ قدومِ سیّدِ ابرار سے نور کا عالم زمین و آسماں میں آ گیا جب تصور بندھ گیا نظروں ...
احسان و کرم ہم پہ وہ کیا کیا نہیں کرتا وہ کون سی رحمت ہے کہ مولا نہیں کرتا اُس گُلشنِ امکاں میں نہیں برگ کو جنبش جب تک کہ ہوا کو وہ اشارا نہیں کرتا تدبیرِ عقیلانِ جہاں فعلِ عبث ہے کوئی خطِ تقدیر مٹایا نہیں کرتا بے تیری عنایات کے، او معطیِ مطلق! مطلب کو مِرے کوئی بھی پورا نہیں کرتا وہ کون سی مشکل ہے، مِرے خالقِ اکبر! آسان جسے لطف تمھارا نہیں کرتا پھر پنجۂ قدرت سے مِرے کھول دے، یا رب ! یہ عق...
ہوئے پیدا رسولِﷺ قدر دانِ مکہ و بطحیٰ حبیبِ کبیریا عزّت رسانِ مکہ و بطحیٰ ہوئے پیدا جنابِ رحمت للعالمین احمد امینِ باعث ِ امن و امانِ مکہ و بطحیٰ ہوئے پیدا وہ نورانی لقا محبوبِ ربّانی ہوا ان سے منوّر ہر مکانِ مکہ و بطحیٰ ہوئے پیدا جناب ِ مصطفیٰ با طلعت ِ زیبا ہوئے اُس خیر مقدم سے خزانِ مکہ و بطحیٰ کوئی پیدا ہوا ایسا نہ ہو ئے گا کوئی، کافؔی! قسم کھاتا ہوں میں باعزّ و شانِ مکہ و بطحیٰ ۔۔۔۔۔۔۔۔۔۔۔۔۔۔۔۔۔۔۔۔...
قیامت تھا وہ صدّیقِ جگر اَفگار کا روناتڑپنا شکلِ بسمل اور وہ ہر بار کا رونا کہوں کیا گریۂ صدّیق محرابِ عبادت میں کہ شر مندہ تھا جِس سے ابرِ دریا بار کا رونا زبانِ حال سے گرمِ بُکا تھے مسجد و منبر یہ پُر تاثیر تھا حضرت کے یارِ غار کا رونا فلک کو بھی ہلاتا تھا، مَلک کو بھی رُلاتا تھا وہ اُس دربارِ عالی جاہ کے حُضّار کا رونا لکھوں کیا اس بیاں سے دل ہوا جاتا ہے دو ٹکڑے اثر رکھتا ہے یارانِ شہِ ابرارﷺ کا رونا &...
کچھ نہ کام آیا دلِ مضطر تڑپنا لوٹنا تھا عبث بے فائدہ بے پر تڑپنا لوٹنا مُرغِ بسمل کی طرح یاں خاک پر لوٹے تو کیا چاہیے خاکِ مدینہ پر تڑپنا لوٹنا چہچہے کرتے ہیں صحنِ گلستاں میں ہم صفیر ہم ہیں دامِ غم میں اور اکثر تڑپنا لوٹنا شام سے ہے نالۂ شب گیر تا وقتِ سحر آہ بر لب صبح سے دن بھر تڑپنا لوٹنا کیا کہیں ہم، اے صفیرو! دلِ کی بے تابی کا حال برق سے بھی ہے زیادہ تر تڑپنا لوٹنا اِس تڑپنے لوٹنے سے دل...
لبِ جاں بخش سے کیا خوب بیاں فرمایا حُبِّ الفت کی حقیقت کو عیاں فرمایا اُس لبِ لعل کے اور کام و زباں کے صدقے جِس زباں سے یہ سخن جانِ جہاں فرمایا اہلِ ایماں کے لیے وہ تو کلام ِ حق ہے تم نے جو افضلِ پیغام بَراں فرمایا شبِ فرقت میں ہوئی عید محبوں کے لیے مژدۂ وصل شفائے دل و جاں فرمایا گو کہ ہم آپ تڑپتے ہیں شبِ فرقت میں کل کا وعدہ تو بھلا آپ نے ہاں فرمایا قابلِ نار ہُوا جس کو کہا ’’نا...
بروزِ جزا، یا رسولِ خدا ہمیں دو شفا، یا رسولِ خدا تمنّا ہے دل کی یہ مولا مِرے دکھا دو لقا، یا رسولِ خدا نہیں ہے سہارا بجز تم سوا مِرے مصطفیٰ، یا رسولِ خدا قبر میں عذاب ہوگا دل پر مِرے تمہیں لو بچا، یا رسولِ خدا نہ شاہی سے مطلب، نہ دولت دے کام قدم ہو عطا، یا رسولِ خدا اگر آ مدینے کو دیکھوں کبھی کروں دِل فدا، یا رسولِ خدا بُلا لو مدینے میں کافؔی کو اب تِرا ہے گدا، یا رسولِ خدا ۔۔...
سراپا وہ صَلِّ عَلٰی آپ کا تھا کہ ہر عضو حُسنِ تجلّی بنا تھا حبیبِ خدا کا جمال مکرم سزاوارِ تحسینِ حمد و ثنا تھا بہارِ لطافت میں بے مثل و ثانی گُلِ بے خزاں عارضِ مصطفیٰ تھا مدوّر جو کہتے ہیں چہرے کا عالَم وہ تدویر سے بھی وراء الورا تھا وہ صَلِّ عَلٰی گندمی رنگ اُن کا کہ عارض رُخِ عالمی نور کا تھا چمکتا تھا کیا نورِ حُسنِ صباحت فروغِ ملاحت دمکتا ہوا تھا مزیّن تھا پیراہنِ اعتدالی خوش اندا...