شعیب نام، لقب ابو مدین بن حسن یا حسین۔ حضرت شیخ ابوبغرائی مغربی کے مرید و خلیفہ اور حضرت شیخ محی الدین ابن العربی کے مرشد تھے۔ حضرت شیخ سیّد عبدالقادر جیلانی غوث الاعظم سے بھی اکتسابِ فیض کیا تھا۔ صاحبِ کشف و کرامت اور سر زمینِ مغرب کے مشائخِ کبار سے تھے۔ ایک روز آپ نے دیارِ مغرب کے کسی مقام پر گرد ۔۔۔۔
شعیب نام، لقب ابو مدین بن حسن یا حسین۔ حضرت شیخ ابوبغرائی مغربی کے مرید و خلیفہ اور حضرت شیخ محی الدین ابن العربی کے مرشد تھے۔ حضرت شیخ سیّد عبدالقادر جیلانی غوث الاعظم سے بھی اکتسابِ فیض کیا تھا۔ صاحبِ کشف و کرامت اور سر زمینِ مغرب کے مشائخِ کبار سے تھے۔ ایک روز آپ نے دیارِ مغرب کے کسی مقام پر گردن جھکا کر کہا۔ اللھم انی اشھدک واشھد ملائکتک انی سمعت واطعت۔ حاضرین نے اس کا سبب پوچھا۔ فرمایا: شیخ عبدالقادر جیلانی قدس سرہٗ نے بغداد میں یہ فرمایا قدمی ھٰذہ علی رقبۃ کل ولی اللہ۔ اس کے بعد بغداد کے بعض اکابر حاضر ہوئے اور انہوں نے بھی اطلاع دی کہ حضرت غوث الاعظم نے اُسی وقت یہ الفاظ فرمائے تھے۔ حضرت مولانا عبدالرحمٰن جامی صاحب نفحات الانس لکھتے ہیں کہ حضرت شیخ ابو مدین مغربی ایک روز دریا کے کنارے کنارے جارہے تھے کہ کفار کی ایک جماعت نے آپ کو گرفتار کرلیا اور اپنی کشتی میں لے گئے۔ آپ سے پہلے بھی مسلمانوں کی ایک جماعت اُس کشتی میں محبوس تھی۔ کفار نے شیخ کو ایک جگہ پر بٹھا کر کشتی کا باد بان کھولا مگر اس نے اپنی جگہ سے حرکت نہ کی۔ بڑی کوشش کے بعدانہیں یقین ہوگیا کہ یہ سب کچھ اسی درویش کی بدولت ہے۔ انہوں نے شیخ کو رہا کردیا مگر شیخ نے کشتی سے اترنے سے انکار کردیا۔ فرمایا جب تک تمام مسلمان رہا نہ کیے جائیں گے میں کشتی سے نہیں اُتروں گا۔ کفار کو چار و نا چار تمام مسلمانوں کو آزاد کرنا پڑا۔ جو نہی مسلمان کشتی سے اترے وُہ روانہ ہو پڑی۔ ۵۹۰ھ میں وفات پائی۔
قطعۂ تاریخِ وفات:
شیخ بو مدین شعیب مغربی ہست تاریخِ وصالِ آں جناب ۵۹۰ھ
|
|
آں امامِ دیں شہ دورِ زمن ‘‘زاہدِ ہادی شعیب بن حسن’’ ۵۹۰ھ
|