اہلسنت کا عظیم سرمایہ
صوفی با صفا، پیر ِ طریقت حضرت خواجہ میاں محمد اشرف نقشبندی مجددی
سجادہ نشین آستانہ عالیہ، نقشبندیہ، مجددیہ، ساہیوال
______________________________________________________
محترمی جناب مولانا سید عبدالحق شاہ صاحب
السلام علیکم ورحمة اﷲ وبرکاتہ!
قبلہ سید شاہ تراب الحق قادری علیہ الرحمہ اہلسنّت کا ایک عظیم سرمایہ تھے، اپنی زندگی میں انہوں نےاہلسنّت کے لئے گرانقدر خدمات انجام دیں جنہیں رہتی دنیا تک یاد رکھا جائے گا اور ان کا وصال عوامِ اہلسنّت کے لئے ایک بہت بڑا صدمہ ہے اﷲ تعالیٰ سے دعا ہے کہ وہ اپنے حبیب ﷺ کے صدقے ان کی مغفرت فرمائے انہیں جنت میں اعلیٰ مقام عطا فرمائے اور پسماندگان کو صبر جمیل عطا فرمائے اور اس پر اجر جزیل عطا فرمائے اور آپ کو ان کا صحیح جانشین بنائے اور ہم سب کو ان کے مشن کو جاری رکھنے کی توفیق عطا فرمائے۔
اور اﷲ تعالیٰ محسن اہلسنّت قبلہ شاہ صاحب علیہ الرحمہ کے مشن کو جاری رکھنے میں ہم سب کی مدد فرمائے آمین، ثم آمین بجاہ حبیبہ سید المرسلین ﷺ۔
