ترجمانِ مسلک رضا
کنز العلماء حضرت علامہ ڈاکٹر اشرف آصف جلالی
______________________________________________________
اہلسنت کے عظیم راہنما، ممتاز روحانی پیشوا، ترجمان مسلک رضا حضرت سیدشاہ تراب الحق قادری قدس سرہ العزیز نے نہایت بامقصد اور باہمت زندگی بسر کی آپ نے سنی تشخص کے لیے گراں قدر خدمات سر انجام دیں آپ نے اپنے علم اور قلم سے معتقدات اہل سنت اور معمولات اہل سنت کے تحفظ کے لیے جاندار کردار ادا کیا۔ آپ نے حیات مستعار کے لیل و نہار رجال کار کی حوصلہ افزائی ،مریدین کی تربیت ،تنظیمی مشاغل،تعلیمی مصروفیات ،ملک و ملت کی خدمت اور ریاضت و عبادت کے ہمراہ بسر کیے ۔بندہ ناچیز کی جب بھی آپ سے ملاقات ہوئی تو آپ نے غلبہ اہل سنت کے لیے اپنی تڑپ کا اظہار کیا آپ ہمیشہ اسلاف کے مشن اور ان کے طریق کار پر پختگی سے کار بند رہے اور دوسروں کو بھی یہی تلقین کرتے رہے اللہ تعالیٰ آپ کے صاحبزادگان بالخصوص جوان عزم اورجوان ہمت ،حضرت سید شاہ عبد الحق قادری کو آپ کے عظیم مشن کو مزید آگے بڑھانے کی توفیق عطا فرمائے آمین۔ والسلام مع الاکرام
محمد اشرف آصف جلالی
