آؤ محفل میں غلامان رسول عربی
آؤ محفل میں غلامان رسول عربی
آج ہی جو ش پہ فیضان رسول عربی
جھومتے پھرتے ہیں مستانِ رسول عربی
ہی مہک پر چمنستان رسول عربی
کیسے عشاق تھے یاران رسول عربی
اپنے سر کردیے قربان رسول عربی
ایسی دسعت بچھا خوان رسول عربی
سارا عالم ہوا مہمان رسول عربی
کعبہ و ارض و سما شمس و قمر حور و ملک
ہیں سبھی تابع فرمان رسول عربی
حورو غلماں کی تمنا ہو نہ شوق جنت
جس نے دیکھا ہے بیابان رسول عربی
اپنی قسمت پہ نہ کیوں فخر کروں لاکھوں بار
دیکھو جب گنبد ایوان رسول عربی
اس نے اللہ کے جلؤ و نگا کیا نظارہ
جسنے دیکھا رخ مابان رسول عربی
انکی مدحت نہیں کچھ انس و ملک پر موقوف
ذرہ ذرہ ہے ثنا خوان رسول عربی
کس کو سرکار سے نعمت نہ ملی کون ہے وہ
جو نہیں بندۂ احسان رسول عربی
رمز محبوب و محب کون سمجھ سکتا ہے
حکم رحمٰن ہےفرمان رسول عربی
قبرومحشرکاانھیں غم ہی نہیں کچھ اصلاً
جن کےہاتھوں میں ہے دامان رسول عربی
ان کا بندہ ہوا اللہ کا محبوب بنا
صاف فرماتا ہے قرآن رسول عربی
تیرہ بختوں کے مقدر کو ذرا چمکا دے
اے ضیائے درِ دندان رسول عربی
دین و دنیا کی میسر ہوئی ان کو شاہی
جو ہوئے دل سے گدایان رسول عربی
چھوڑ کر سلطنتیں اُن کے بنے خاک نشیں
آفریں باد فقیران رسول عربی
رو برومثل کف دست ہیں دونوں عالم
کیسی پُر نورہیں چشمان رسول عربی
بادۂ حب نبی خوب جمائی رنگت
ہوگئے مست غلامان رسول عربی
چشم دل گورغریباں کو منور کردے
میں فدا شمع شبستان رسول عربی
قبر میں جب کہ نکیرین کریں مجھ سے سوال
میں کہوں بندہ دربان رسول عربی
داخل ِخلد کیے جائیں گے اہل عصیاں
جوش پر آئے گی جب شان رسول عربی
فاتح باب شفاعت کے سبب حکم ملا
جائیں جنت میں گدایان رسول عربی
یا الہیٰ یہ دعا ہے کہ بروز محشر
سر پہ ہو سایہ دامان رسول عربی
اے جمیل رضوی تیری حقیقت کیا ہے
جب خدا خود ہے ثنا خوان رسول عربی
یہ رضا کا ہے تصدق کہ جمیل رضوی
ہوا مشہور ثنا خوان رسول عربی
ہاں سنا کوئی غزل اور جمیلِ رضوی
کہ ہیں مشتاق محبان رسول عربی
قبالۂ بخشش
