شاعرِ ایل سنت محمد عبدالقیوم طارق سلطان پوری رحمۃ اللہ تعا لٰی علیہ  

مرکزِ تجلیّاتِ مُصطفیٰﷺ

مادہ ھائے تاریخ (سال وصال)

مُجدد دین و ملّت، امام اہل سُنّت عظیم الدرجت اعلیٰ حضرت الشّاہ احمد رضا خان القادری البریلوی﷫

از: محمد عبدالقیوم طارق سلطان پوری (حسن ابدال، اٹک)

۱۳۴۵ھ

’’مرکزِ تجلیّاتِ مُصطفیٰﷺ‘‘
’’تجلّیاتِ عِشقِ طیبہ‘‘
’’والہ المُختار طیبہ‘‘
’’تصویرِ کمال محبتِ مُحمّدﷺ‘‘
’’نعیمِ فیضانِ مُصطفیٰﷺ‘‘
’’مکتبِ معرفت حبیب اللہﷺ‘‘
’’شہنشاہِ کشورِ علم و ادب‘‘
’’تابعِ قُرآن و سُنّت‘‘
’’شمعِ رُشد و ہدایت‘‘
’’بدر خُوبئ تقوٰی‘‘
’’ذُوالفقار ۔۔۔۔۔ حیدر‘‘

۱۹۲۱ء

’’ماہتابِ عظمتِ نبیﷺ‘‘
’’پیکر خوبئ فیضانِ نبیﷺ‘‘
’’قُوّتِ عرفانِ حضورﷺ‘‘
’’کمالِ نعمت و بخششِ نبیﷺ‘‘
’’زیب باغِ سیرتِ مصطفیٰﷺ‘‘
’’فیضِ شہِ کوثر‘‘
’’رُوح پرور منظرِ مدینہ‘‘
’’چراغِ منہاجِ حقیقت‘‘
’’ذخیرۂ عرفانِ نعت‘‘
’’فخر الافاضلِ زماں‘‘
’’چراغِ منزلِ سرکارِ مدینہ‘‘

...

گلستانِ نَعت کا نغمہ سرا

مادہ ھائے تاریخ (سال وصال)

امام اہلِ سُنّت، اعلیٰ حضرت الشّاہ احمد رضا خاں القادری البریلوی قدس سرہ القوی﷫

سال وصال: ۱۳۴۵ھ/ ۱۹۲۱ء

قرآنی مادۂ تاریخِ وصال ’’اُولٰئِکَ مَعَ الّذِیْنَ انْعَمَ اللہ عَلَیْھمْ‘‘(۱۳۴۵ھ)

 

گلستانِ نَعت کا نغمہ سرا
عاشقِ خیرُالوریٰ، احمد رضا
حفِظِ نامُوسِ مُحمد مصطفیٰﷺ
تھا یہ اُس کی زندگی کا مُدعّا
تھا علَم بردار اِس تحریک کا
جانِ ایماں ہے ولائے مصطفیٰﷺ
عارفِ توحید، وحدت آشنا
خُود کو کہتا تھا وہ عَبدِ مصطفیٰﷺ
اُس کے اوصاف ِ دماغ و قلب کا
مُعترف غیروں کو بھی ہونا پڑا
وَلولہ انگیز مدّاحِ حبیبﷺ
رُوح پرور اُس کے نغماتِ ثنا
بے نیاز طعنہ و تحسینِ خلق
کلمۂ حق برملا اُس نے کہا
نکتہ دان و زیرک و عالی دماغ
قُلزمِ دانش، سمندر علم کا
کنزِ ایماں، مخزنِ عرفان ہے
ترجمہ قرآں کا جو اُس نے کیا
راست اُس کے قامت زیباپہ ہے
ہر سعادت ہر فضیلت کی قبا
مُنکرانِ دینِ حق کے واسطے
ایک مُحکم حُجّت اسلام تھا
آج بھی اُس مردِ حق کا ذکرِ خوب
کوبۂ کوُ، محفل بہ محفل، جابہ جا
اُس کی تاریخ وصال باکمال
’’طالبِ حق، مَصدرِ فقر و غنا‘‘

...

اجملِ ہر جہاں کا دِلدادہ

قطعۂ تاریخ (سالِ وصال)

امام اہلِ سنت، فیض در جت، اعلیٰ حضرت الشاہ احمد رضا خاں﷫ القادری البریلوی قدس سرہ العزیز

’’زیبا باغِ معرفتِ حق‘‘

۱۹۲۱ء

(سال وصال ۱۳۴۰ھ/۱۹۲۱ء)

 

اجملِ ہر جہاں کا دِلدادہ
والۂ ماہِ انورِ طیبہ
مصطفیٰﷺ کا غلام شاہ حشم
عبد ذی شانِ سرور طیبہﷺ
وہ ثنا خوانِ مصطفیٰﷺ بے مثال
بے بدل وہ ثناگرِ طیبہ
اس کا ممدوح اک ملیح عرب
اس کا موصوف دلبر طیبہ
اس کے اشعار نعت کا ہر شعر
عکسِ زیبائے منظرِ طیبہ
اس کی تحریر و گفتگو کا خصوص
ذکر ایمان پرورِ طیبہ
جان و دل سے عزیز تر اس کو
ہر وہ شے جو ہے مظہرِ طیبہ
فاتحِ مکہ کا مدیح نگار
نعت گوئے مُظفّرِ طیبہ
قائدِ کاروانِ عشقِ حبیب
ترجمانِ قد آورِ طیبہ
عاشق و واصف محمدﷺ تھا
مثلِ حسّان منبر طیبہ
اس کا سال وصال ہے طارقؔ
’’جلوہ ہائے پیغمبر طیبہ‘‘
۱۳۴۰ھ

...