کیوں نہ ہو حسن محو نظارہ
آج ہے عشق کی رونمائی ہے

چاک ہوتا ہے کلیجہ لب پہ آتی ہے ہنسی
خاطر غنچہ کبھی غم ناک ہوسکتا نہیں

گلشن کی جدائی ہی باعث ہے ترقی کا
ہوتی ہے شمیم گل کیا عطر فشاں پہلے؟

آپ ہیں قطرۂ اشک پر خنداں زن
اس میں مضمر ہے اک داستانِ الم

تمنا

تڑپ رہا ہے خلیؔل اس قلق میں طائرِ روح
کہ شاخِ نخل مدینہ پہ آشیاں نہ ہوا

حاضرئ طیبہ

اس دل لگی میں کام مرا بن گیا خلیؔل
طیبہ کو کھینچ لے گئی دل کی لگی مجھے

احمد میاں برکاتی سلّمہٗ

کی روزہ کشائی

کے دعوت نامہ پر یہ شعر لکھا!

یارب ہرا بھرا چمن آرزو رہے
جب تک چمن میں گل رہے اور گل میں بو رہے

غنچۂ باغِ قدرت

ہیں غنچۂ دہن، دہن پہ قرباں
یہ ہے وہ کلی، فِدا گلستاں

شاخِ طُوبیٰ

کیا وصف بیاں ہو انگلیوں کا
ہیں رُوکشِ شاخِ نخلِ طوبیٰ
  

ہلالِ عید

ناخن ہیں ہلالِ عید اختر
اور ہے کفِ دست ماہِ انور

گنجینۂ قناعت

پُر نور شِکم ہے گنجِ رحمت
صندوقِ خزینۂ قناعت