سلام  

سلام  ببارگاہ خیرالانامﷺ

السلام اے رحمت العالمینﷺ
السلام اے مظہر دین مبینﷺ
السلام اے رونق کون و مکاںﷺ
السلام اے راز حق کے راز داںﷺ
السلام اے صاحب کوثر سلامﷺ
السلام اے حق کے پیغمبر سلامﷺ
السلام اے خاتم پیغمبراںﷺ
السلام اے رہنمائے رہبراںﷺ
السلام اے راحت و آرام جاںﷺ
السلام اے دستگیر بیکساںﷺ
السلام اے پیکر حسن و جمالﷺ
السلام اے صاحب فضل و کمالﷺ
السلام اے رہبر دینِ خداﷺ
حامی و ناصر مددگار و معیںﷺ
مدعائے مژدۂ عیسیٰ سلامﷺ
منتہائے مقصد موسیٰ سلامﷺ
کیجئے مقبول اخؔتر کا سلام
شاہ ولیوں کے نبیوں کے امامﷺ

سلام اختر بدرگاہ خیرالبشرﷺ

السلام اے نعمت حق رحمت رب جلیل﷯وﷺ
السلام اے دعوتِ عیسیٰ بشارات خلیلوﷺ
السلام اے پیکر صدق و صفا صبر و رضاﷺ
السلام اے صاحب قرآن و اخلاق جمیلﷺ
السلام اے حجت حق آیۂ رب العُلا﷯وﷺ
قول پاک تست دراسلام دعویٰ رادلیل
السلام اے شہرۂ آفاق درروم و عجمﷺ
فتح کردی ہفت اقلیمے دریں عمر قلیل
السلام اے چشمہائے آب شیریں یافتیﷺ
در گلستان اِرم تسنیم و کوثر سلسبیل
نام پاک تو محمد رحمت اللعالمینﷺ
ذات پاک تست ختم المرسلیں بے قال و قیلﷺ
تابع فرمان عالی عالم ہژدہ ہزار
خادم درگاہ تو روح الامین و جبرئیل
السلّام اے نام پاک تو شفیع المذنبیںﷺ
ذاتِ پاک تست ہر مخلوق رانعم الوکیل
آمدہ نعت محمدﷺ در کتاب کبریا
ہرگز آساں نیست نعتش اخؔتر خوار و ذلیل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سلام عقیدت بروح پاک محبوب رسالتﷺ

السلام اے یار غار﷜ رحمت للعالمینﷺ
السلام اے جانثار مالک دنیا و دیںﷺ
السلام اے انتخاب نور رب العالمینﷺ
السلام اے قلزم اسلام کے درّثمیںﷺ
السلام اے مظہر شانِ شفیع المذنبیںﷺ
مونس و غم خوار محبوب الہٰ لعٰلمیںﷺ
السلام اے مصطفٰےﷺ کے جانشین اولیں﷜
خاتم سلطان بحر و بر کے تابندہ نگیںﷺ
السلام اے محرم راز نبوت السلامﷺ
السلام اے آسمان دین کے ماہ تمامﷺ
السلام اے گلستاں احمدی کے باغباںﷺ
السلام اے پیکر صدق و صف شیریں بیاںﷺ
السلام اے جبکہ تو ہے شان شانِ ذوالجلالﷺ
مات کھائے کیوں نہ تیرے عدل سے نوشیرواں
السلام اے گرنگاہ ناز اٹھ جائے ادھرﷺ
دیکھ کے جائے گی کترا میرے گلشن سے خزاں
السلام اے گررخِ زیبا سے ہٹ جائے نقابﷺ
ابر میں چھپ جائے مارے شرم مہر ضوفشاں
السلام اے حامل دین شریعتﷺ السلام
بادہ خوار جرعۂ دستِ رسالتﷺ السلام
السلام اے موج بحر صدقﷺ تم پر السلام
اعلیٰ ہرشئے سے ہو تم بعد پیمبر السلام
السلام اے تیری سیرت کے ثناخواں مصطفیٰﷺ
ہو سلامی تم پہ ممدوح پیمبرﷺ السلام
السلام اے تم ہو محبوب حبیب کبریاﷺ
السلام اللہ کے دلبر کے دلبرﷺ السلام
السلام اے اخؔتر ناچار کے فریاد رسﷺ
دستگیری کیجئے دست پیمبرﷺ السلام
اک نگاہ ِ لطف کی امید رکھتا ہوں حضورﷺ
بارش رحمت ہو شانِ رحمتِ رب غفورﷺ

سلامِ شوق

سلام شوق نسیم بہار کہدینا
مرا حضور سے سب حال زار کہدینا
سجودِ شوق کی اک آرزو ہے مدت سے
تڑپ رہا ہے دل بے قرار کہدینا
دئے ہیں سوزشِ غم نے وہ داغ سینے پر
تپک رہا ہے دلِ داغ دار کہدینا
جو دھجیاں ہیں گریبانِ زیست کی تن پر
ہوا ہی چاہتی ہیں تار تار کہدینا
ہمیں ملے جو اجازت تو سر کریں قرباں
حضور اب نہیں اٹھتا یہ بار کہدینا
یہ عرض کرنا کہ تنہا نہیں خلیؔل ملول
ہیں خادم آپ کے سب بے قرار کہدینا
وہ شہسوار کہ جس نے پہاڑ روندے تھے
پڑا ہوا ہے سرِرہ گزار کہدینا
وہ گلعذار کہ پھولوں سے کھیلتا تھا کبھی
وہ دشمنوں کے گلے کا ہے ہار کہدینا
وہ عندلیب کہ تھی جس کی لحن داؤدی
بلادِ غم کا ہوا ہے شکار کہدینا
وہ تاجدار کہ تھا میرِ کاروانِ جہاں
بھٹک رہا ہے برنگِ غبار کہدینا
وہ نوبہار کہ جس سے بہارِ عالم تھی
اب اُس پہ چھائی خزاں کی بہار کہدینا
وہ نامدار کہ جس کی پکار تھی سب میں
ہے آج سب کی نگاہوں میں خوار کہدینا
وہ گلستان میں عنادل کے چہچہے نہ رہے
اجڑ چکا چمن روزگار کہدینا
نہ اب وہ شوکت و حشمت نہ دبدبہ اپنا
نہ اب وہ شان نہ عز و وقار کہدینا
نہ خیر خواہ کوئی ہے نہ ہمنوا کوئی
نہ کوئی مونس و ہمدم نہ یار کہدینا
نہ یہ کہ ہم سے کدورت ہے دشمنوں کو فقط
ہے دوستوں کے بھی دل میں بخار کہدینا
غرض کہ حال وہ ہے جیسے زیرپا آتش
جگر ہے زخمی تو سینہ فگار کہدینا
ہے مختصر کہ یہ رودادِ غم، سنا دینا
غرض کہ جیسے ہیں لیل و نہا کہدینا
یہ روکے کہنا کہ سرکار کی دہائی ہے
کہ ایک دل میں ہیں ناسور ہزار کہدینا
تمہیں سے آس لگائی ہے غم کے ماروں نے
تمہیں سنو گے ہماری پکار کہدینا
تمھاری ایک نگاہِ کرم میں سب کچھ ہے
تمہیں وہ حق نے دیا اختیار کہدینا
ادھر تو نامۂ اعمال میں نہیں نیکی
اُدھر ہے سر پہ گناہوں کا بار کہدینا
دکھانے آئے ہیں بس زخم دل تمھارے حضورﷺ
وگرنہ تم پہ ہے سب آشکار کہدینا
حضورﷺ آپ جو گستاخیاں معاف کریں
تو اذن چاہتے ہیں گُنْہَ گار کہدینا
ملے اجازتِ رخصت تو چوم لینا زمیں
سلامِ شوق بھی ہاں بار بار کہدینا
خلیؔل زار کی جانب سے پھر ہزار سلام
بڑے ادب سے بصد انکسار کہدینا

صلوٰۃ و سلام بدرگاہِ خیرالانام علیہ التحیتہ والسلام

اس کلام کی خصوصیت یہ ہے کہ ہر شعر کا دوسرا مصرعہ کلام رضا سے مستفاد ہے۔مرتب)

شام و سحر سلام کو حاضر ہیں السلام
شمس و قمر سلام کو حاضر ہیں السلام
سب تاجور سلام کو حاضر ہیں السلام
جن و بشر سلام کو حاضر ہیں السلام
بس اک نگاہ لطف شہنشاہ بحر و بر
سب بحر و بر سلام کو حاضر ہیں السلام
سرخم ہر ایک اوج کا ہے در پہ آپ کے
سب کرّ وفر سلام کو حاضر ہیں السلام
گل ہیں نثار قدموں پہ خم ہے جبین کوہ
سنگ و شجر سلام کو حاضر ہیں السلام
اے جانِ کائنات و مقصودِ کائنات
سب خشک و تر سلام کو حاصل ہیں السلام
راحت ملی ہے دامن عالم پناہ میں
شوریدہ سر سلام کو حاضر ہیں السلام
حاضر ہیں سب دعاء و تمنا کے ساتھ ساتھ
عرض و اثر سلام و حاضر ہیں السلام
اٹھ جائے ہر نگاہ سے اب تو ہر اک حجاب
اہل نظر سلام کو حاضر ہیں السلام
چارہِ گرِ خلیؔل و مسیحائے کائنات
خستہ جگر سلام کو حاضر ہیں السلام

سلام

صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
حبیب رب امام المرسلینﷺ ہو
تم ہی تو عرش کے مسند نشین ہو
تم ہی تو سرور دنیا و دیں ہو،
تم ہی تو رحمۃً للعلمینﷺ ہو
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
نبئ مصطفی حامد ممجدﷺ
خدا نے کردیا جن کو محمدﷺ
فرشتوں سے ہوئے ہیں وہ مؤید،
خدا کا حکم آیا ہے مؤکد
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
مثال مصطفیﷺ آیا کوئی کب،
عیاں تھا مرتبہ اسریٰ کی اس کی شب
سلامی دے رہے تھے انبیاء﷩ جب،
تھے اہل عرش بھی نغمہ سرا سب
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
تم ہی ہو راز دارِ سرّ وحدت،
تم ہی ہو مالکِ ہر جمع و کثرت
تم ہی تو ہو جہاں میں رب کی نعمت
دو عالم کے لئے ہو تم ہی رحمتﷺ
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
شہ ہر دوسر تشریف لائے،
حبیب کبریاﷺ تشریف لائے
امام الانبیاءﷺ تشریف لائے،
محمد مصطفیﷺ تشریف لائے
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
فضا پر کیف ہے نوری جھڑی ہے،
تبسم ریز ہر گل کی لڑی ہے
دوشالا ہر کلی اوڑھے کھڑی ہے
نبیﷺ تشریف لائے وہ گھڑی ہے
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
جہاں میں بول بالا ہو رہا ہے،
وَرَفَعْنَا ذِکْرَکَ کا شور سا ہے
عجب نوری سماں سا بندھ گیا ہے،
ہر اک اب جھوم کر یہ پڑھ رہا ہے
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
تمھارے در پہ سر میرا جھکا ہے
نظر کے سامنے عرش عُلیٰ ہے
زمیں سے آسماں تک نور سا ہے،
ہر اک جانب سے بس یہی صدا ہے
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
عجب کچھ نور سے پھیلے ہوئے ہیں،
حجابات نظر اُٹھے ہوئے ہیں
تھے جتنے فاصلے سمٹے ہوئے ہیں،
در آقاﷺ پہ ہم آہی گئے ہیں
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
امام اعظم﷜ کا صدقہ شاہِ امکاں،
بہ فیض سیدی احمد رضا خاں﷫
ہر اک کے دل کا پورا ہو یہ ارماں،
پہنچنا ہو درِ اقدس پہ آساں
صَلٰوۃٌ یَا رَسُوْلَ اللہْ عَلَیْکُم
سَلَامٌ یَا رَسوْلَ اللہْ عَلَیْکُمْ
شہ برکات حافؔظ پر نظر ہو،
بہ لطف غوث﷜، طیبہ کا سفر ہو
سنہری جالیوں پر جبکہ سر ہو،
زباں پر بس یہ، شاہ بحروبرﷺ ہو

تضمین برنعتِ اعلٰحضرت، مجدّدِ مأتہ حاضرہ، امام احمد رضا خاں بریلوی قدس سرہ

اِک پل بھی نہیں قرار آقاﷺ
آفات سے ہوں دو چار آقاﷺ
کب تک یہ اٹھاؤں بار آقاﷺ
غم ہوگئے بے شمار آقاﷺ
بندہ تیرے نثار آقاﷺ
عصیاں کی ہے تیرگی نے گھیرا
تاحدِّ نظر ہے گُھپ اندھیرا
آمہرِ عرب کہ ہو سویرا
بگڑا جاتا ہے کھیل میرا
آقا آقا سنوار آقاﷺ
دل کی بستی غمون نے لُوٹی
تدبیر کی نبض آہ چُھوٹی
تقدیر کہاں پہ لا کے پُھوٹی
منجدھار پہ آکے ناؤ ٹُوٹی
دے ہاتھ کہ ہُوں میں پار آقاﷺ
یہ دشت یہ جھاڑیاں گھنیری
دشوار ہے راہ شب اندھیری
دیتا ہوں تجھے دہائی تیری
ٹوٹی جاتی ہے پیٹھ میری
لِلہ یہ بوجھ اتار آقاﷺ
رکھتا ہے بڑا سہارا پلّہ
یعنی وزنی ہے سارا پلّہ
رکھ دے کملی کا پیارا پلّہ
ہلکا ہے اگرچہ ہمارا پلّہ
بھاری ہے ترا وقار آقاﷺ
ہے بارِ اَلَم تو فکر کیا ہے؟
گو پشت ہے خم تو فکر کیا ہے؟
لرزاں ہیں قدم تو فکر کیا ہے؟
مجبور ہیں ہم تو فکر کیا ہے؟
تم کو تو ہے اختیار آقاﷺ
مجھ کو کسی دُور میں نہیں یاس
کیوں ہو مجھے رنج و غم کا احساس
تم مِری امید، تم مِری آس
میں دُور ہوں تو تم ہو مِرے پاس
سُن لو میری پکار آقاﷺ
اس طرح ستم زدہ نہ ہوگا
مجبور و اَلم زدہ نہ ہوگا
حالات سے سَم زدہ نہ ہوگا
مجھ سا کوئی غم زدہ نہ ہوگا
تم سا نہیں غمگسار آقاﷺ
اَمواج سے لَڑ گئی ہے کشتی
ٹکرا کے بگڑ گئی ہے کشتی
طوفان میں اَڑگئی ہے کشتی
گرداب میں پڑگئی ہے کشتی
ڈُوبا، ڈُوبا، اُتار آقاﷺ
بخشش کا ہے باب باز تم سے
رحمت کا ظل دراز تم سے
ہر لطف ہے سرفراز تم سے
تم وہ کہ کرم کو ناز تم سے
میں دہ کہ بَدی کو عار آقاﷺ
ڈر ہو نہ بلائے آسماں کا
تِنکا بھی جَلے نہ آشیاں کا
بِیکا نہ ہو بال گلستاں کا
پھر منہ نہ پڑے کبھی خزاں کا
دے دے ایسی بہار آقاﷺ
انداز ہیں جس کے ناز والے
جس کو رحمت گلے لگا لے
خالِق سے جو تاجِ قَدْنَریٰ لے
جس کی مرضی خدا نہ ٹالے
میرا ہے وُہ نامدار آقاﷺ
ہے عرشِ عُلیٰ پہ جس کا قبضہ
ہے قصرِ دَنیٰ پہ جس کا قبضہ
ہے ارض و سما پہ جس کا قبضہ
ہے مُلکِ خدا پہ جس کا قبضہ
میرا ہے وہ کامگار آقاﷺ
مجھ سے عصیاں شعار بندے
ان پہ قرباں ہزار بندے
ہر اشک پر سونثار بندے
سویا کئے نابکار بندے
رویا کئے زار زار آقاﷺ
کچھ ہوش و خرد کو کام میں لائیں
انصاف تو اہلِ عشق فرمائیں
ان پہ صدقے نثار ہوجائیں
کیا بھُول ہے ان کے ہوتے کہلائیں
دنیا کے یہ تاجدار آقاﷺ
سرکار کے بے نوا پہ مِٹ جائیں
شانِ سائل نما پہ مٹ جائیں
اس کی اِک اِک ادا پہ مٹ جائیں
ان کے ادنیٰ گدا پہ مٹ جائیں
ایسے ایسے ھزار آقاﷺ
گہرے ہیں یہ کتنے میرے دھبّے
جائیں گے یہ کیسے میرے دھبّے
کس طرح مٹیں گے میرے دھبّے
بے ابرِ کرم کے میرے دھبّے
لَا تَغْسِلُہاَ الْبِحَار آقاﷺ
مِلتا ہے تمہارے دَر سے سب کو
اختؔر کی بھی مراد بھر دو
طیبہ کی نصیب حاضری ہو
اتنی رحمت رضؔا پر کرلو
لَا یَقْرِ بُہاِ الْبَواَر آقاﷺ

تضمین برسلام مولانا حسن رضا خاں بریلوی ﷫

میرے سلطانِ باوقارﷺ سلام
شہر یاروں کے شہر یارﷺ سلام
اے شہِ عرش اقتدارﷺ سلام
اے مدینے کے تاجدارﷺ سلام
اے غریبوں کے غمگسارﷺ سلام
سر و قامت پہ جان و دل وارے
رخ پہ قرباں جناں کے نظارے
صدقے دندانِ پاک پر تارے
تیری اِک اِک ادا پہ اے پیارے
سو درودیں فدا ہزار سلام
نور پر نور کے قبالے پر
عرش کے چاند پر، اُجالے پر
نور کے دوش پر، دوشالے پر
ربِّ سَلّمِْ کے کہنے والے پر
جان کے ساتھ ہوں نثار سلام
میرے طجاپہ، میرے ماویٰﷺ پر
میرے سرور پہ، میرے مولاﷺ پر
میرے مالک پہ، میرے داتاﷺ پر
میرے پیارے پہ میرے آقاﷺ پر
میری جانب سے لاکھ بار سلام
راہ سیدھی دکھانے والے پر
دین اِسلام لانے والے پر
اوجِ معراج لانے والے پر
میری بگڑی بنانے والے پر
بھیج اے میرے کردگار سلام
آفتابِ حسینِ فاراں پر
روحِ رنگینئ بہاراں پر
اس کرم بار ابرِ باراں پر
اس پناہِ گناہ گاراں پر
یہ سلام اور کرور بار سلام
ان کے اور ان کے نام کے صدقے
ان کے ادنےٰ غلام کے صدقے
واپسی کے پیام کے صدقے
اس جوابِ سلام کے صدقے
تاقیامت ہوں بے شمار سلام
جبکہ میری تلاش حشر میں ہو
بندۂ رسوا نہ کاش حشر میں ہو
لطفِ حق، لطف پاش حشر میں ہو
پردہ میرا نہ فاش حشر میں ہو
اے میرے حق کے راز دارﷺ سلام
پر مَسّرت رہا قیامت میں
محوِ مدحت رہا قیامت میں
زیرِ رحمت رہا قیامت میں
وہ سلامت رہا قیامت میں
پڑھ لئے جس نے دل سے چار سلام
گلشنِ آرزوئے اختؔر کا
رشکِ جنت ہو ہر گل و غنچہ
صدقۂ احمد رضا مولیٰ
عرض کرتا ہے یہ حسؔن تیرا
تجھ پہ اے خلد کی بہار سلام
ﷺﷺﷺﷺﷺﷺﷺﷺﷺ

حصّۂ درود و سلام

آیۂ حسنِ بے مثال، لاکھوں سلام آپﷺ پر
سایۂ عینِ ذوالجلال، لاکھوں سلام آپﷺ پر
اے مدنی مہِ کمال، لاکھوں سلام آپﷺ پر
مہرِ منیرِ لازوال، لاکھوں سلام آپﷺ پر
ماہِ جبینِ ضحٰی مثال، لاکھوں سلام آپﷺ پر
لوحِ صحیفۂ جمال، لاکھوں سلام آپﷺ پر
حضرتِ مطلّب کے لال، لاکھوں سلام آپﷺ پر
آمنہ بی﷝ کے نونہال، لاکھوں سلام آپﷺ پر
معنئ آیۂ جمال، لاکھوں سلام آپﷺ پر
شرحِ صفاتِ لایزال، لاکھوں سلام آپﷺ پر
حُسنِ ہمہ، ہمہ جمال، لاکھوں سلام آپﷺ پر
چاند جبیں، بھنویں ہِلال، لاکھوں سلام آپﷺ پر
نور ہی نور بال بال، لاکھوں سلام آپﷺ پر
حسن ہی حسن خدّ و خال، لاکھوں سلام آپﷺ پر
آپ کی ذات بیمثال، لاکھوں سلام آپﷺ پر
آپ کا دائرہ محال، لاکھوں سلام آپﷺ پر
ربّ ہے محبِّ بمیثال، لاکھوں سلام آپﷺ پر
آپ حبیبِ خوش خصال، لاکھوں سلام آپﷺ پر
کتنا حسِین و تابناک صلّ علےٰ ہے نامِ پاک
میمِ مبیں سے تابہ دال‘ لاکھوں سلام آپﷺ پر
آپﷺ خدا کے ہیں حبیب، آپﷺ خدا سے ہیں قریب
آپ کا مثل ہے محال، لاکھوں سلام آپﷺ پر
آپﷺ ہیں میری کائنات، آپﷺ کا غم مری حیات
آپﷺ کا ہجر ہے وصال، لاکھوں سلام آپﷺ پر
فرش سے تادَنیٰ گئے، آن میں آپﷺ آگئے
کتنی سبک ہے چال ڈھال، لاکھوں سلام آپﷺ پر
حاضرِ در ہے شاہِ دیں، آپﷺ کا اختؔرِ حزیں
کشتۂ غم، شکستہ حال، لاکھوں سلام آپﷺ پر

وہ جن کا انتظار آئے، دردو ان پر سلام ان پرﷺ
حبیبِ پروردگارﷺ آئے، درود ان پر سلام ان پرﷺ
شہِ تدلّٰی وقار آئے، درود اُن پر سلام ان پرﷺ
خدائی کے تاجدار آئے، درود اُن پر سلام ان پرﷺ
وہ فخرِ ہر افتخار آئے درود اُن پر سلام اُن پرﷺ
وقار جملہ وقار آئے، درود ان پر سلام ان پرﷺ
علاجِ ہر دل فگار آئے، درود ان پر سلام ان پرﷺ
قرارِ ہر بے قرار آئے، درود ان پر سلام ان پرﷺ
وہ روحِ ہر جان زار آئے، درود ان پر سلام ان پرﷺ
وہ جان ہر جاں نثار آئے، درود ان پر سلام ان پرﷺ
ضعیف کے دستگیر بن کر، یتیم کے سر پرست بن کر
غریب کے غمگسار آئے ، درود ان پر سلام ان پرﷺ
ہے جشنِ میلادِ میرِ کوثر، درِ حرم پر دراز ساغر
صدا بہ لب بادہ خوار آئے، درود ان پر سلام ان پرﷺ
یہ نور کا فرش اللہ اللہ، زمیں ہے یا عرش اللہ اللہ
جبینِ انوار بار آئے، درود ان پر سلام ان پرﷺ
حرم ادب سے خمیدہ سر ہے، خدا کا گھر آمنہ﷝ کا گھر ہے
وہ کعبۂ افتخار آئے، درود ان پر سلام ان پرﷺ
ہے سارا عالم بہشت خانۂ عروسِ گل پوش ہے زمانہ
وہ رنگ وُ بُو درکنار آئے، درود ان پر سلام ان پرﷺ
ہے غرقِ کیف و سرورِ دنیا، بنی ہے فردوسِ نور دنیا
وہ عینِ جانِ بہار آئے، درود ان پر سلام ان پرﷺ
برس رہا ہے کرم کا غازہ، شبابِ ہستی ہے تازہ تازہ
وہ حسنِ کن کا نکھار آئے، درود ان پر سلام ان پرﷺ
جمالِ انسانیت میں اجمل، کمالِ محبوبیت میں اکمل
یگانہ روز گار آئے، درود ان پر سلام ان پرﷺ
وہ نورِ اول، وہ حسنِ آخر، وہ مہرِ باطن، وہ ماہِ طاہر
وہ مظہرِ کردگار آئے، درود ان پر سلام اُن پرﷺ
نظامِ ہر دوسرا کے مالک، تمام ملکِ خدا کے مالک
امیرِ بااختیار آئے، درود ان پر سلام ان پرﷺ
ہے اَوج پر بخت کا ستارا، وہ دیکھ اختؔر ہوا نظارا
وہ یوسفِ جلوہ بار آئے، درود ان پر سلام ان پرﷺ