فرشتوں میں رسول کتنے ہیں؟

03/11/2019 AZT-27127

فرشتوں میں رسول کتنے ہیں؟


السلام علیکم میرا سوال آپ سے ہے کہ فرشتوں میں رسول کتنے ہیں اور ان کا نام کیا ہے؟

الجواب بعون الملك الوهاب

الجواب بعون الوھّاب اللھمّ  ھدایۃ الحق  والصواب

رسول کا مطلب ہے اللہ تعالیٰ کا پیغام پہنچانے والا۔ جس طرح اللہ تعالیٰ انسانوں سے بعض  مقربین کو منتخب کر کے رسالت کے منصب پر فائز کرتا ہے اسی طرح فرشتوں میں سے بھی اس نے اپنے رسول منتخب کیے ہیں۔  جیسے حضرت جبرئیل، میکائیل، اسرافیل وعزرائیل علیھم السلام ۔

 چنانچہ  اللہ  تعالیٰ کا فرمان ہے:
" اللہ فرشتوں میں سے اپنے رسول  چنتا ہے جس طرح انسانوں میں سے چنتا ہے۔ بے شک اللہ سننے والا، دیکھنے والا ہے۔" (سورہ حج آیت 75)

 اسی طرح قران کے بارے میں اللہ نے فرمایا ہے:

"کہ یہ ایک باعزت رسول (جبرائیل) کا (لایا ہوا) کلام ہے۔ بہت صاحبِ قوت، عرش والے کے ہاں بہت بلند مرتبہ۔ اس کی بات مانی جاتی ہے اور وہ نہایت امین بھی ہے۔ اور (قریش کے لوگو)، تمھارا ساتھی کوئی دیوانہ بھی نہیں ہے۔ حقیقت یہ ہے کہ اُس نے اِس (رسولِ کریم) کو بالکل کھلے افق پر دیکھا ہے۔" (سورہ تکویر آیات 19-23)

رسول فرشتوں کی تعداد اور سب کے نام معلوم نہیں ہے  اور نہ ہی ہم ان کی تعداد اور نام معلوم کرنے کے مکلف ہیں  اس طرح کے سوالا ت سے گریز کرنا چاہیے۔

واللہ تعالی ٰاعلم رسولہ اعلم

  • مفتی محمد سیف اللہ باروی
  • رئیس دارالافتاء مفتی محمد اکرام المحسن فیضی

متعلقہ

تجویزوآراء