حضرت علی رضی اللہ عنہ کا چہرہ دیکھنا عبادت

سلام! کیا ایسی کوئی حدیث ہے کہ علی کے چہرے کو دیکھنا عبادت ہے جیسا کہ حضرت ابو بکر صدیق رضی اللہ تعالیٰ عنہ ان کے چہرے کو دیکھا کرتے تھے مجمع میں؟ (شجر الحسن، نئی دہلی ، انڈیا)

الجواب بعون الملك الوهاب

الجواب بعون الوھاب اللھمّ ھدیۃ الحق والصواب

 یہ حدیث" المستدرک علی الصحیحین للحاکم" اور اس کےعلاوہ متعدد کتب احادیث میں موجود ہے ۔

4683 عن عبد الله بن مسعود رضي الله عنه قال : قال رسول الله صلى الله عليه و سلم النظر إلى وجه علي عبادة                                              (المستدرک علی الصحیحین للحاکم ،ج۴،ص۲۴۰)

حضرت عبداللہ بن مسعود رضی اللہ تعالیٰ عنہ سے مروی ہے انہوں نے فرمایاکہ رسول اللہ ﷺ نے فرمایا کہ (حضرت) علی رضی اللہ تعالیٰ عنہ  کے چہرہ کو دیکھنا عبادت ہے۔

2503عَنْ عَائِشَةَ الصِّدِّيقَةِ ابْنَةِ الصِّدِّيقِ حَبِيبَةِ حَبِيبِ اللهِ ؛ قَالَتْ :- قُلْتُ لأَبِي : إِنِّي أَرَاكَ تُطِيلُ النَّظَرَ إِلَى وَجْهِ عَلِيِّ بْنِ أَبِي طَالِبٍ رَضِيَ اللهُ عَنْهُ . فَقَالَ لِي : يَا بُنَيَّةُ ! سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ : « النَّظَرُ فِي وَجْهِهِ عِبَادَةٌ »

     (المجالسہ وجواہر العلم ،ج۸ص۲۱۴۔حدیث نمر۳۵۰۳ )

ام المئو منیں سیدہ عائشہ صدیقہ  رضی اللہ تعالیٰ عنھا بنت( حضرت ابو بکررضی اللہ تعالیٰ عنہ  )محبوبہِ حبیب خدا ﷺ سے مروی ہے انہوں نے فرمایا کہ میں نے اپنے والد (گرامی )سے عرض کیا کہ  بیشک میں آپ  کو دیکھتی ہوں کہ  آپ( حضرت )علی کےچہرہ  (مبارکہ) کو  بہت دیکھتے ہیں تو  آپ نے مجھے فرمایا کہ اے بیٹی میں نےرسول اللہ ﷺ کو فرماتے ہوئے سنا ہےکہ"(حضرت علی  رضی اللہ تعالیٰ عنہ کے)چہرہ مبارکہ کو دیکھنا عبادت ہے "