کیا یزید فاسق وکافر ہے؟

السلام علیکم مفتی صاحب! یزید کو کسی لحاظ س صحابی کہہ سکتے ہیں یا نہیں؟اگر کہہ سکتے ہیں تو کیا تابعی کو بھی فاسق و فاجر کہا جا سکتا ہے جیسا کہ فسق و فجور میں کوئی شبہ نہیں؟ صبغت اللہ دہلوی۔

الجواب بعون الملک الوہاب

یزید کا فسق و فجور اور واقعہ کربلا یزید کی پیشانی پر ایسا داغ ہے جس کو دور نہیں کیا جا سکتا۔ اور یزید کے بد ترین فاسق وفاجر ہونے پر اہل سنت کا اجماع ہے۔ سیدنا امام احمد بن حنبل علیہ الرحمہ اسے کافر کہتے ہیں۔ اور ہمارے امام اعظم رضی اللہ تعالی عنہ نے اس کے کافرہونے میں سکوت فرمایا ہے اور یہی اسلم ہے۔ اس کا فسق وفجور متواتر ہے مگر کفر متواتر نہیں ہے۔ حوالہ: فتاوى شارح بخاری، جلد 2، صفحہ 99، مکتبہ برکات المدینہ کراچی۔