بت وغیرہ کی تعظیم کرنا کیسا؟

معبودانِ کفّار پر پھول یا چڑہاوے چڑھانا کیسا ہے ؟اگر کوئی مسلمان ایسا کرےتوتجدیدِ ایمان اور نکاح کا کیا حکم ہوگا؟ (محمد آصف اللہ خان ، نارتھ ناظم آباد، کراچی)

الجواب بعون الملك الوهاب

فتاوى رضویہ میں ہے:" معبود انِ کفار پر پھول چڑھانا کہ ان کا طریقہِ عبادت ہے تو  یہ کفر ہے "۔ حوالہ: فتاوى رضویہ، جلد 14، صفحہ 672، رضا فاؤنڈیشن لاہور۔

فتاوى فقیہ ملت میں ہے:" لہذا مورتیوں پر پھول مالا چڑھانے والے کافر و مرتد ہیں خواہ وہ کسی کی مورتی ہو۔ایسے لوگوں پر لازم ہے کہ علانیہ توبہ  و استغفار کریں اور جو بیوی والے ہوں وہ تجدید نکاح بھی کریں"۔حوالہ: فتاوی فقیہ ملت، جلد ۱، صفحہ ۲۵، شبیر برادر لاہور۔