آ بروئے مومناں احمد رضا خاں قادری
آ بروئے مومناں احمد رضا خاں قادری
رہنمائے گمرہاں احمد رضا خاں قادری
علم میں بحر رواں احمد رضا خاں قادری
دین میں گوہرفشاں احمد رضا خاں قادری
علم کے ہیں گلستاں احمد رضا خاں قادری
باغ دیں کے گل فشاں احمد رضا خاں قادری
حق شناس و حق نما و نائب ِشمس ُالضحیٰ
وارثِ پیغمبراں احمد رضا خاں قادری
باغ دیں میں نغمہ خوان و خوش بیاں شیریں زباں
طوطیِ شکرِ فِشاں احمد رضا خاں قادری
چشم ِایماں سے اگر دیکھو تو ہیں ایمان کی جاں
جان جاں روح ِرواں احمد رضا خاں قادری
تیرا علم وفضل و شان و شوکت و جاہ و حشم
شش جہت پر ہی عیاں احمد رضا خاں قادری
ہے عرب کے عالموں کا مدح خواں ساراجہاں
اور وہ تیری مدح خواں احمد رضا خاں قادری
تم سے گلزار شرعیت میں کھلے خوش رنگ پھول
باغ دیں میں گلفشاں احمد رضا خاں قادری
روز افزوں حشر تک یا رب ترقی پر رہے
لہلہا تابوستاں احمد رضا خاں قادری
صدقۂ شاہِ عرب یو ماً فیوماً ہو بلند
تیری عزت کا نِشاں احمد رضا خاں قادری
دین کا دشمن ہویا ہو دوست سب کے واسطے
ہے تری حق گو زباں احمد رضا خاں قادری
تیرے صدقہ میں خدا چاہے تو پائیں گے غلام
کل وہاں باغ جنان احمد رضا خاں قادری
حق تعالیٰ نے کیےبےحد کمالات و علوم
تیرے سینے میں نِہاں احمد رضا خاں قادری
سیف اعدا کے لیے مومن کے حق میں ہے سپر
آپ کی حق گو زباں احمد رضا خاں قادری
اہلسنت کے سروں پر دائما رکھے خدا
تجھ کو با امن و داماں احمد رضا خاں قادری
عالمان مکہ و طیبہ نے لی تجھ سے سند
ہیں وہ تیرے قدرداں احمد رضا خاں قادری
کیا ستا سکتے ہیں تجھ کو تیرے اعدا مرشدا
حق ہے تجھ پر مہرباں احمد رضا خاں قادری
پڑ گیا ہے پشت پر اعدا کی۔ اب کی جائے گا
تیرے کوڑے کا نشاں احمد رضا خاں قادری
دیکھ کر جلوہ اَشِدَّآءُ عَلَی الْکُفَّارکا
ہر عدو ہے بے زباں احمد رضا خاں قادری
چیر کر بد مذہبوں کے دل میں گزری وارپار
تیرے نیزے کی بناں احمد رضا خاں
آچلی تھی شیخ نجدی کے بیاباں میں بہار
بھیج دی تو نے خزاں احمد رضا خاں قادری
فتح دی حق نے تجھے اعدائے دیں پردائما
تجھ پہ ہے حق مہرباں احمد رضا خاں قادری
حق اسے کہتے ہیں دیکھو رد نہ کوئی کرسکا
تیرا فتوائے اذاں احمد رضا خاں قادری
کیا ستاتے تجھ کو اعداء تھی یہ حکمت خلق کا
ہو رہا تھا امتحاں احمد رضا خاں قادری
دعویٰ اعدا حقیقت میں کسوٹی تھا کہ ہوں
دوست اور دشمن عیاں احمد رضا خاں قادری
تھے وصی احمد محدث رحمۃ اللہ علیہ
آپ کے اک رتبہ داں احمد رضا خاں قادری
خاندان پاک برکاتیہ کا چشم و چراغ
کہتے تھے نوری میاں احمد رضا خاں قادری
شاہ پیلی بھیت کے حضرت محمد شیر خاں
تھے تمہارے مدح خواں احمد رضا خاں قادری
رامپوری صابری چشتی میاں ناصر ولی
جانتے تھے تیری شاں احمد رضا خاں قادری
حاضر و غائب ترے حق میں دعاؤں کے لیے
عمر بھر کھولی زباں احمد رضا خاں قادری
آپ کا حامد ہے حامد سید کونین کا
ہے وہ تیری عزوشاں احمد رضا خاں قادری
محی سنت اور مجدداس صدی کے آپ ہیں
اے امام ِمفتیاں احمد رضا خاں قادری
یاد رکھیں گے قیامت تک غلامانِ رسول
تیرے جلسوں کا سماں احمد رضا خاں قادری
اے مرے اچھے کے اچھے مجھ کو بھی اچھا بنا
صدقۂ اچھے میاں احمد رضا خاں قادری
صدقہ سرکار جیلانی پھلیں پھولیں مدام
مصطفیٰ حامد میاں احمد رضا خاں قادری
دے مبارکباداُن کو قادری رضوی جمؔیل
جن کے مرشد ہیں میاں احمد رضا خاں قادری
قبالۂ بخشش
