اجملِ ہر جہاں کا دِلدادہ

قطعۂ تاریخ (سالِ وصال)

امام اہلِ سنت، فیض در جت، اعلیٰ حضرت الشاہ احمد رضا خاں﷫ القادری البریلوی قدس سرہ العزیز

’’زیبا باغِ معرفتِ حق‘‘

۱۹۲۱ء

(سال وصال ۱۳۴۰ھ/۱۹۲۱ء)

اجملِ ہر جہاں کا دِلدادہ
والۂ ماہِ انورِ طیبہ
مصطفیٰﷺ کا غلام شاہ حشم
عبد ذی شانِ سرور طیبہﷺ
وہ ثنا خوانِ مصطفیٰﷺ بے مثال
بے بدل وہ ثناگرِ طیبہ
اس کا ممدوح اک ملیح عرب
اس کا موصوف دلبر طیبہ
اس کے اشعار نعت کا ہر شعر
عکسِ زیبائے منظرِ طیبہ
اس کی تحریر و گفتگو کا خصوص
ذکر ایمان پرورِ طیبہ
جان و دل سے عزیز تر اس کو
ہر وہ شے جو ہے مظہرِ طیبہ
فاتحِ مکہ کا مدیح نگار
نعت گوئے مُظفّرِ طیبہ
قائدِ کاروانِ عشقِ حبیب
ترجمانِ قد آورِ طیبہ
عاشق و واصف محمدﷺ تھا
مثلِ حسّان منبر طیبہ
اس کا سال وصال ہے طارقؔ
’’جلوہ ہائے پیغمبر طیبہ‘‘
۱۳۴۰ھ