گلستانِ نَعت کا نغمہ سرا

مادہ ھائے تاریخ (سال وصال)

امام اہلِ سُنّت، اعلیٰ حضرت الشّاہ احمد رضا خاں القادری البریلوی قدس سرہ القوی﷫

سال وصال: ۱۳۴۵ھ/ ۱۹۲۱ء

قرآنی مادۂ تاریخِ وصال ’’اُولٰئِکَ مَعَ الّذِیْنَ انْعَمَ اللہ عَلَیْھمْ‘‘(۱۳۴۵ھ)

گلستانِ نَعت کا نغمہ سرا
عاشقِ خیرُالوریٰ، احمد رضا
حفِظِ نامُوسِ مُحمد مصطفیٰﷺ
تھا یہ اُس کی زندگی کا مُدعّا
تھا علَم بردار اِس تحریک کا
جانِ ایماں ہے ولائے مصطفیٰﷺ
عارفِ توحید، وحدت آشنا
خُود کو کہتا تھا وہ عَبدِ مصطفیٰﷺ
اُس کے اوصاف ِ دماغ و قلب کا
مُعترف غیروں کو بھی ہونا پڑا
وَلولہ انگیز مدّاحِ حبیبﷺ
رُوح پرور اُس کے نغماتِ ثنا
بے نیاز طعنہ و تحسینِ خلق
کلمۂ حق برملا اُس نے کہا
نکتہ دان و زیرک و عالی دماغ
قُلزمِ دانش، سمندر علم کا
کنزِ ایماں، مخزنِ عرفان ہے
ترجمہ قرآں کا جو اُس نے کیا
راست اُس کے قامت زیباپہ ہے
ہر سعادت ہر فضیلت کی قبا
مُنکرانِ دینِ حق کے واسطے
ایک مُحکم حُجّت اسلام تھا
آج بھی اُس مردِ حق کا ذکرِ خوب
کوبۂ کوُ، محفل بہ محفل، جابہ جا
اُس کی تاریخ وصال باکمال
’’طالبِ حق، مَصدرِ فقر و غنا‘‘