زیارت حرمین آپ کو مبارک ہو
زیارتِ حرمین آپ کو مبارک ہو!
عقیدتِ حرمین آپ کو مبارک ہو!
محبّتِ حرمین آپ کو مبارک ہو!
صلے میں جس کے ملا حاضری کا پروانہ
وہ چاہتِ حرمین آپ کو مبارک ہو!
بُلا رہے ہیں مقاماتِ کعبہ و روضہ
عنایتِ حرمین آپ کو مبارک ہو!
جو بار بار بُلاوے کا بنتی ہے باعث
وہ شفقتِ حرمین آپ کو مبارک ہو!
ضیائے طیبہ و مکہ سے ہو منوّر دل
یہ نعمتِ حرمین آپ کو مبارک ہو!
خلوصِ دل سے دعا گو ہے المؤذّن یوں
زیارتِ حرمین آپ کو مبارک ہو!
دلِ نؔدیم سے نکلی یہی دعا بہ خدا
زیارتِ حرمین آپ کو مبارک ہو!
نتیجۂ فکر: ندیم احمد نؔدیم نورانی
پیر،۸؍ شوّال ۱۴۳۸ھ/ ۳؍ جولائی ۲۰۱۷ء
