دوران لڑائی بیوی کاتین طلاق کا مطالبہ کرانا
دوران لڑائی بیوی کاتین طلاق کا مطالبہ کرانا
الجواب بعون الملك الوهاب
صورت مسئولہ میں خاوند تین طلاق ایک ساتھ دینےسےسخت گنہگار ہواجس کی وجہ سے اسے اللہ تعالی ٰ کے حضور سچی تو بہ کرنا ضروری ہے اور بیوی پر تین طلاقیں واقع ہو گئی، وُہ اپنے شوہر کے نکاح سے نکل گئی، اب وہ بغیر حلالہ کے اس سے نکاح بھی نہیں کرسکتا،یعنی عورت کی عدت گزرے پھر وہ دوسرے شخص سے نکاح کرے اور اس سے ہمبستری بھی ہو، پھر وہ دوسرا شخص اسے عورت کوطلاق دیدےیا مرجائے اور عدت بھی گزرجائے اس کے بعد پہلے خاوند کواس عورت سے نکاح کران جائز ہوگاورنہ نہیں ۔
اس طرح کے ایک سوال کے جواب میں اعلیٰ حضرت امام اہلسنت امام احمدرضاخان قادری بریلوی علیہ رحمۃ القوی لکھتے ہیں ۔
صورت مذکورہ میں تین طلاقیں ہوگئیں، عورت بے حلالہ اس کے نکاح میں نہیں آسکتی یعنی اس کی عدت گزرے پھر عورت دوسرے شخص سے نکاح کرے اور اس سے ہمبستری بھی ہو، پھر وہ اسے طلاق دے یا مرجائے اور عدت گزرجائے اس کے بعد اس شخص کو عورت سے نکاح جائز ہوگا۔
قال اﷲتعالٰی فان طلقھا فلاتحل لہ من بعد حتی تنکح زوجا غیرہ۱؎،وقال رسول اﷲصلی اﷲتعالٰی علیہ وسلم لاتحلّین الزوجک الاول حتی یذوق الاٰخر عسیلتک وتذوقی عسیلتہ۲؎۔
اﷲتعالٰی نے فرمایا: اگر تیسری طلاق دی تو اس کے لئے مطلّقہ دوبارہ حلال نہیں ہوگی تاوقتیکہ کسی دوسرے شخص سے نکاح نہ کرے۔ اور رسول اﷲصلی اﷲتعالٰی علیہ وسلم نے فرمایا اے عورت تو حلال نہ ہوگی پہلے شوہر کے لئے جب تک تو دوسرے خاوند کا مزہ اوروہ تیرا مز ہ نہ لے لے۔
(۱؎ القرآن الکریم ۲/۲۳۰)(۲؎ صحیح البخاری باب لم تحرّم ما احلّ اﷲلک قدیمی کتب خانہ کراچی ۲ /۷۹۲)
(فتاوٰی رضویہ:ج۱۲،ص۷۵)
واللہ تعالیٰ اعلم ورسولہ اعلم
