اصلاحِ عمل کے متعلق فتوى

اگر گناہ کبیرہ یا صغیرہ انسان سے نا چھوٹے تو اسے کیا کرنا چاہیے کہ انسان ان چیزوں سے پاک ہوجائے اور دوسرا میں اگر دنیا میں کچھ ایسے کام کرنا چاہوں تو ایسا کروں کہ جس سے اللہ اور اس کا حبیب خوش ہو؟ (محمد عاصم جلیل،سعودی عرب جبیل)

الجواب بعون الملك الوهاب

رسول اللہ صلی اللہ علیہ وسلم نے فرمایا: إِنَّ العَبْدَ إِذَا أَخْطَأَ خَطِيئَةً نُكِتَتْ فِي قَلْبِهِ نُكْتَةٌ سَوْدَاءُ، فَإِذَا هُوَ نَزَعَ وَاسْتَغْفَرَ وَتَابَ سُقِلَ قَلْبُهُ، وَإِنْ عَادَ زِيدَ فِيهَا حَتَّى تَعْلُوَ قَلْبَهُ ترجمہ:بے شک بندہ جب کوئی گناہ کرتا ہے تو اس کے دل میں سیاہ نکتہ لگا دیا جاتا ہے، پھر جب گنا ہ چھوڑتا ہے او رمغفرت طلب کرتا  ہے اور توبہ کرتا ہے تو اس کےدل کو (سیاہ نکتہ سے) صاف کردیا جاتا ہے۔ اور دوبارہ گناہ کرے تو سیاہی کو بڑھا دیا جاتا ہے حتی کہ اس کا دل کالا سیاہ ہوجاتا ہے۔ ترمذی شریف، حدیث(3334)۔

بندہ کثرتِ گناہ کی وجہ سے بعض اوقات گناہ کے دلدل میں پھنس جاتا ہےاور اس سے نکلنے میں مشکل ہوتی ہے۔ تو ایسے وقت میں بندے کو زیادہ سے زیادہ اللہ تعالی کی طرف رجوع کرنا چاہیے۔ اور اپنی زندگی رسول اللہ صلی اللہ تعالی علیہ وسلم کی اتباع میں گزارنی چاہیے کہ اس سے اللہ عزوجل اور خود رسول اللہ راضی ہونگے۔