کس جانور کی قربانی افضل ہے؟

السلام علیکم مفتی صاحب!میں نے یہ ہوچھناتھا کہ قربانی کے جانوروں میں سے کون سے جانور کی قربانی افضل ہے؟ دلدار احمد، لاہور۔

الجواب بعون الملك الوهاب

 بکری کی قیمت اور گوشت اگر گائے کے ساتویں حصہ کی برابر ہو تو بکری افضل ہے اور گائے کے ساتویں حصہ میں بکری سے زیادہ گوشت ہو تو گائے افضل ہے یعنی جب دونوں کی ایک ہی قیمت ہو اور مقدار بھی ایک ہی ہو تو جس کا گوشت اچھا ہو وہ افضل ہے اور اگر گوشت کی مقدار میں فرق ہو تو جس میں گوشت زیادہ ہو وہ افضل ہے اور مینڈھا بھیڑ سے اور دنبہ دنبی سے افضل ہے جبکہ دونوں کی ایک قیمت ہو اور دونوں میں گوشت برابر ہو۔ بکری بکرے سے افضل ہے مگر خصی بکرا بکری سے افضل ہے اور اونٹنی اونٹ سے اور گائے بیل سے افضل ہے جبکہ گوشت اور قیمت میں برابر ہوں۔[بہار شریعت،جلدسوم،حصہ 15،ص340،مطبوعہ مکتبۃ المدینہ کراچی]