قربانی واجب ہونےکیلئے کتنے پیسوں کا مالک ہونا لازمی ہے؟

الجواب بعون الملك الوهاب

قربانی واجب ہونے کیلئے صاحب نصاب ہونا ضروری ہے۔ صاحب نصاب  سے مراد یہ ہے کہ کسی شخص کے پاس ساڑھے سات تولہ سونا(87.48 گرام)،  ہویا ساڑھے باون تولہ چاندی(612.36 گرام)  ہو، یا سونے یا چاندی جتنا مال تجارت ہو، یا اتنی مالیت کی  رقم ہو، یا ضروریات زندگی سے زائد اتنی مالیت کا سامان ہو۔ لہذاجو  شخص قربانی کے تین دنوں میں سے ایک لمحہ  کیلئے بھی صاحبِ نصاب ہوا تو اس پر قربانی واجب ہے۔

آپ کے انڈیا میں جو ساڑھے باون تولہ (612.36 گرام) چاندی کی قیمت بن رہی ہے اس رقم کی مقدار آپ کے پاس پیسے ہیں یا اتنی قیمت کا مال تجارت ہے یا  اتنی  قیمت کا ضروریات زندگی سے زائد سامان ہے تو آپ پر قربانی واجب ہے۔