وعدہ کے مطابق طلاق دینا کیسا؟

07/05/2017 AZT-24441

وعدہ کے مطابق طلاق دینا کیسا؟


ایک لڑکے نے اپنی منگیتر سے میسیج پر لکھا کہ اگر اس کا بائیک پر سے ایکسیڈنٹ ہوگیا اور وہ معذور ہوگیا ٹانگوں سے تو وہ اس سے خدمت نہیں کروائے گا بلکہ اسے آزاد کردے گا پھر وہ توبہ کرتا ہے کہ یہ کیا کہہ دیا۔ کیا اب شادی کے بعد وہ ایسا کریں؟ (ذیشان)

الجواب بعون الملك الوهاب

صورت مسئولہ میں  اگر آپ کابائیک پر سے ایکسیڈنٹ ہوجاتاہے اورآپ ٹانگوں سے معذور ہوجاتے ہیں تو اس کے باوجودآپ کا شادی کے بعد  اپنی بیوی سے خدمت لینا اور اسے آذاد نہ کرنا(یعنی طلاق نہ دینا )جائزہے)  کیو نکہ یہ محض ایک وعدہ  ہےجس کے پورا کرنے پر جبر نہیں ہے ۔اگرچہ وعدہ کا پورا کرنا شرع محبوب اور خلاف ورزی ناپسندیدہ اور مکروہ تنزیہی ہے مگر بیوی کو طلاق دینا اس سے ذیادہ نا پسندیدہ اور مبغوض ہے  

 

اس طرح ایک سوال کے جواب میں اعلیٰ حضرت امام اہلسنت امام احمد رضاخان قادری بریلوی علیہ رحمۃ الرحمٰن لکھتے ہیں

ایسے وعدہ کی وفا پر جبر نہیں ہوسکتا

 ہندیہ واشباہ وبزازیہ وغیرہما میں ہے : لاجبر علی الوفاء بالوعد۱ ؎۔ واﷲ تعالٰی  اعلم۔ وعدہ وفائی پر جبرنہیں۔ واﷲتعالٰی  اعلم(ت)

(۱؎ فتاوٰی  ہندیہ    کتاب الاجارہ     الباب السابع        نورانی کتب خانہ پشاور    ۴ /۴۲۷)

(الاشباہ والنظائر     الفن الثانی     کتاب الحظر والاباحہ    دارالقرآن کراچی    ۲ /۱۱۰)

(العقود الدریۃ        مسائل و فوائد شتی من الحظر والاباحۃ    ارگ بازار قندھار افغانستان     ۲ /۳۵۳)

(فتاوٰی رضویہ ،ج ۱۸ص۹۴)

اس طرح کے ایک  اورسوال کے جواب میں اعلیٰ حضرت امام اہلسنت امام احمد رضاخان قادری بریلوی علیہ رحمۃ الرحمٰن لکھتے ہیں

اور ایفائے وعدہ شرعا محبوب اور خلف وعدہ ناپسند ومکروہ

(فتاوٰی رضویہ ،ج۱۱،ص۲۲) واللہ تعالیٰ اعلم ورسولہ اعلم

  • رئیس دارالافتاء مفتی محمد اکرام المحسن فیضی
  • رئیس دارالافتاء مفتی محمد اکرام المحسن فیضی

متعلقہ

تجویزوآراء