کمیٹی پر زکوۃ

اگر ایک بندہ پچھلے سال صاحب نصاب ہوتا ہے اور وہ سال گزرنے پر یعنی رمضان المبارک میں اس مال یا پیسے کی زکوٰۃ دیتا ہے سال گزرنے پر اب جس مہینے میں وہ زکوٰۃ دیتا ہے اس نے ایک کمیٹی ڈالی ہوتی ہے جو نکل آتی ہے کیا اس پیسوں پر بی زکوٰۃ لاگو ہوگی یا نہیں ۔برائے مہربانی راہنمائی فرما دیں۔ شکریہ(قمر شہزاد)

الجواب بعون الملك الوهاب

کمیٹی  والی رقم اگر نصاب کو پہنچ جاتی ہے یا دوسرے مال کے ساتھ مل کو نصاب کو پہنچ جاتی ہے  تو اس پر بھی زکوۃ ہوگی۔

اور اگر کمیٹی نکلی اور بقیہ قسطیں ادا کرنا باقی ہیں تو ان قسطوں کی رقم مِنْہا کرکے نصاب کو پہنچ جانے کی صورت میں  زکوۃ ادا کی جائے۔ حوالہ: بہار شریعت، جلد1، حصہ5، صفحہ906، مکتبۃ المدینہ کراچی۔