ذبح کے دوران جانور کا سر تن سے جدا ہوگیا تو ؟

السلام علیکم مفتی صاحب! میرا سوال یہ ہے کہ اگر جانور  ذبح کرتے وقت جا نور کا  سر  جدا ہو جائے تو اس کا کھانا کیسا ہے ؟ سائل: محمد سلمان لیاقت آباد کراچی

الجواب بعون الملك الوهاب

حضرت علامہ مفتی محمد امجدعلی اعظمی قدس سرہ العزیز فتاویٰ امجدیہ میں فرماتے ہیں:" قصداًایسا کرنا مکروہ ہے  بلکہ حرام مغز تک چھری کو پھیرا دینا مکروہ ہے مگر وہ جانور حرام نہ ہو گا۔ اس کا کھانا حلا ل ہے۔  اور بلا قصد گردن کٹ گئی تو حرج نہیں ۔ مجمع الانہر میں ہے: "وکرہ  قطع الراس" ۔فتاویٰ عالمگیری میں ہے : "ویستحب الاکتفاء بقطع الاوداج ولا یباین الرا س ولو فعل یکرہ" واللہ تعالیٰ  ورسولہ اعلم بالصواب [فتاویٰ امجدیہ،جلد سوم،کتاب الذبح،ص297، مکتبہ  رضویہ کراچی]۔