خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ  

زسرتاپا خطاکارم اغثنی یارسول اللہﷺ

اغثنی یارسول اللہﷺ

زسرتاپا خطاکارم اغثنی یارسول اللہﷺ
گناہگارم گناہگارم اغثنی یارسول اللہﷺ
شکستہ پا شکستہ بال و پر خاطر پرا گندہ
زحالِ زار بیزارم اغثنی یارسول اللہﷺ
خدارا سوئے من بنگر بنہ دستِ کرم برسر
کر بر دوشِ زمیں بارم اغثنی یارسول اللہﷺ
تہی دست و تہی داماں گدایم بے سر و ساماں
ذلیل و رسواء و خوارم اغثنی یارسول اللہﷺ
بلطفت شادئ مرگم بخاک طیبہ کن مولیٰ
بانجامے رسَد کارم اغثنی یارسول اللہﷺ
نہ زاد راہ می دارم، نہ منزل راشنا سایم
پریشانم پئے کارم اغثنی یارسول اللہﷺ
بہر رنگے گناہگارم، بہر موئے سیہ کارم
بَہر لطفِ توحقدارم اغثنی یارسول اللہﷺ
توئی مولیٰ توئی ملجا توئی ماویٰ توئی منجا
توئی یاور توئی یارم اغثنی یارسول اللہﷺ
غریق بحر عصیاں شد، متاع عز و ناموسم
سراپا ننگِ ابرارم اغثنی یارسول اللہﷺ
تو خود احوالِ ما بیچارگاں راخوب تردانی
چہ پیشت مدعا آرم اغثنی یارسول اللہﷺ
خلیؔل قادریم رد مکن دستِ سوالم را
تُرا از تو طلبگارم اغثنی یارسول اللہﷺ

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ استغاثہ 566 مزید

آتی ہے باد صبح جو سرور کے سامنے

آقاﷺ کے سامنے

آتی ہے باد صبح جو سرور کے سامنے
سر ٹیکتی ہے زلف معنبر کے سامنے
شرمندۂ جمالِ رأنی ہیں مہر و ماہ
کیا تاب لائیں روئے منور کے سامنے
طوفِ حریم قدس کو دوڑے ہیں بار بار
لوٹے ہیں خوب خوب ترے گھر کے سامنے
وارفتگان عشق سے کچھ بھی بعید تھا
سجدے جو کرتے روضۂ انور کے سامنے
دیکھونگا کیا بگاڑے گا طوفاں معصیت
جاؤں گا ظلّ لطف میں داور کے سامنے
ہم سے خراب حالوں کا بس تم ہو آسرا
اب ہم تو آپڑے ہیں اسی در کے سامنے
اللہ رے جوشِ عشق کہ فردوس چھوڑ کر
پہنچا خلیؔل روضۂ اطہر کے سامنے

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 615 مزید

یہ حسرت ہے تمنا بن کے لپٹوں ان کے داماں سے

دامنِ مصطفیٰﷺ

یہ حسرت ہے تمنا بن کے لپٹوں ان کے داماں سے
رہائی جب ملے مجھ کو اس آب و گل کے زنداں سے
مری مٹی ٹھکانے لگ چکی تھی فضل یزداں سے
صبا ناحق اڑا لائی مدینے کے بیاباں سے
خدا شاہد زمانہ سرکٹا تا حسنِ یوسف پر
نمک تھوڑا سامل جاتا اگر ان کے نمکداں سے
ترے قرباں بتا دے کیوں یہ طوفاں پانی پانی ہے
تری رحمت نے بڑھ کر کیا کہا سیلابِ عصیاں سے
مہ و خورشید سے کہدو کہ آئیں بھیک لینے کو
ہویدا وہ ہوئے جلوے پھر ان کے یوسفتاں سے
یہ کس کی یاد میں رہ رہ کے قلب مضطرب رویا
یہ کیسے آج موتی جھڑ رہے ہیں نوک مژگاں سے
پھنسی ہے کشتئ ملت بھنور میں یارسول اللہﷺ
اشارہ آپ کا گر ہو نکل جائے یہ طوفاں سے
نہ یوں بیتاب ہو قلب حزیں آنے تو دے انکو
گرایا بے خودی نے اور میں لپٹا اُن کے داماں سے
خلیؔل ان  کا ہے تو پھر خوف کیا دنیا کے کتوں کا
سگانِ یار تو ڈرتے نہیں ہیں شیر نیساں سے

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 1026 مزید

آغوش میں رحمت کی پہنچوں گر ان کا اشارہ ہوجائے

امیدوار رسولﷺ

آغوش میں رحمت کی پہنچوں گر ان کا اشارہ ہوجائے
مدت سے تڑپتی ہے دل میں پوری یہ تمنا ہوجائے
اے ماہِ عرب پھر مہ کی طرف اک اور اشارہ ہوجائے
پھر کفر کی ظلمت مٹ جائے پھر نور دوبالا ہوجائے
اعمال پہ اپنے غور کیا تو دل میں ہوا اک حشر بپا
ہاں شافع محشر تم چاہو تو دور یہ دھڑکا ہوجائے
اے چشمِ ندامت بہہ کے ذرا امید شفاعت کر پیدا
ہر موج معاصی ممکن ہے رحمت کا سفینہ ہوجائے
ہنگام سجود اے جوشِ جبیں لازم ہیں ادب کے بھی آئیں
سجدوں کی فروانی میں کہیں ہنگامہ نہ برپا ہوجائے
اس ہند سے طیبہ کو جاؤں سر روضۂ اقدس پر رکھوں
سر رکھ کے میں پھر اس وقت اٹھوں جب روح روانہ ہوجائے
اے آتشِ عشقِ روئے منور اور بھڑک کچھ اور بھڑک
یہ جاں ہو رخِ انور پہ فدا اور ان کا نظارا ہوجائے
ہو پاس شریعت بھی کامل اور آن رہے مدہوشوں کی
جب گرد ترے روضے کے پھروں انداز کچھ ایسا ہوجائے
اے بادِ صبا طیبہ جاکر، کہنا کہ خلیؔل خستہ جگر
فرقت میں تڑپتا ہے یکسر ہو حکم تو طیبا ہوجائے

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 539 مزید

تسلئ دلِ ناشاد فرمائی نہیں جاتی

شوقِ دید

 تسلئ دلِ ناشاد فرمائی نہیں جاتی
حضور اب خواب میں بھی شکل دکھلائی نہیں جاتی
نہیں جاتا مرا شوقِ تلاش کوچۂ جاناں
نہیں جاتی تمنائے جبیں سائی نہیں جاتی
ضرورتِ ہے کمالِ جذب کی راہِ محبت میں
زمین کوچۂ جاناں کہاں پائی نہیں جاتی
مرے آقاﷺ تری امت سے بخت و وقت روٹھے ہیں
یہ گھتی ایسی الجھی ہے کہ سلجھائی نہیں جاتی
کہاں وہ شوقِ اظہار تمنائے دل محزوں
کہاں اک بات بھی ہونٹوں پہ اب لائی نہیں جاتی
تعالیٰ اللہ زیبائی وجہِ احمدِ مرسل
کہ جلوے لا تُعدَ ہیں پھر بھی یکتائی نہیں جاتی
اگرچہ ہاتھ خالی ہیں مگر ہر شے کے والی ہیں
خلیؔل ان کے گدا کی شانِ دارائی نہیں جاتی

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 579 مزید

اے جذبۂ محبت کچھ جذبِ دل دکھا دے

دردِ عشق

اے جذبۂ محبت کچھ جذبِ دل دکھا دے
طیبہ کی ہر گلی میں کعبہ مرا بنادے
اے صر صرِ محبت طیبہ اڑاکے لے چل
للہِ اب ٹھکانے مٹی مِری لگادے
رہ رہ کے پھر جبیں میں سجدے تڑپ رہے ہیں
اے خضرِ عشق راہِ کوئے نبی بتا دے
بخشا ہے گر زباں کو ذوقِ شراب تو نے
ساقی میں ترے صدقے کوثر کی مے پلادے
آداب بندگی سے واقف نہیں ہے یہ دل
کچھ دردِ عشق دے کہ درد آشنا بنادے
جو آہ لب سے نکلے دَم ان کا بھرتی نکلے
اے عشقِ روئے انور دل میں وہ لو لگادے
اٹھتی ہوئی ہیں موجیں بڑھتا ہوا ہے طوفاں
بگڑی بنانے والے بگڑی مری بنادے
آکر سگانِ طیبہ میّت مری اٹھائیں
اے رحمتِ دو عالم اتنا تو مرتبا دے
رحمت تری قریں ہے ٹوٹے ہوئے دلوں سے
بچھڑے ہوؤں کو یارب اک بار پھر ملادے
تیری عطا فزوں ہے میری طلب کا منہ کیا
میری طلب سے افزوں اے میرے کبریا دے
ہر صبح، شام سی ہے ناکامِ زندگی کی
ہر شامِ زندگی کو میری سحر بنادے
پھر معصیت نے ڈیرا ڈالا ہے گردشوں کا
یارب مجھے پناہِ دامانِ مصطفیٰﷺ دے
یارب خلیؔل مضطر ہے خوار و زار و ابتر
اچھے میاں کا صدقہ اچھا مجھے بنادے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 524 مزید

غازۂ دین غبارِ رہِ جاناں ہوجائے

درِ رسولﷺ

غازۂ دین غبارِ رہِ جاناں ہوجائے
رہروِ دشتِ مدینے کا یہ ساماں ہوجائے
کیوں نہ نازاں ہو مقدر پہ میسّر جس کو
خاک بوسئ درِشاہِ رسولاں ہوجائے
مجھکو فرصت نہ ملے طیبہ سے لوٹ آنے کی
وصل دائم سے مبدّل غم ہجراں ہوجائے
اے ملیح عربی تیری ملاحت کے نثار
لطف آئے جو ہر اک زخم نمکداں ہوجائے
کوئے جاناں میں ہوں یوں پاس ادب ہے ورنہ
پرزے پرزے تو ابھی جیب و گریباں ہوجائے
بلبلِ باغِ مدینہ جو چہک اٹھے خلیؔل
باغِ فردوس کا ہر مرغ غزل خواں ہوجائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 476 مزید

فراق مصطفیٰﷺ میں جان و دل کی غیر حالت ہے

شفیع اُمّت

فراق مصطفیٰﷺ میں جان و دل کی غیر حالت ہے
جنوں آنکھیں دکھاتا ہے گریباں گیروحشت ہے
دل بیتاب وہ شاید بلانے کو ہیں طیبہ میں
ٹپکنا زخم کا تمہید فتحِ بابِ قسمت ہے
بلائیں لے رہا ہوں معصیت کوشی کی رہ رہ کر
مرے عصیاں کی ظلمت آئینہ دار شفاعت ہے
کمال صنعت صانع عیاں ہے روئے تاباں سے
کہ شکّر زا ملاحت ہے نمک آگیں صباحت ہے
سگانِ کوئے طیبہ سے گلے مِل مِل کے روتا ہوں
مری دیوانگی واللہ صدر شک فراست ہے
اب ایسے میں بن آئی ہے گنہگارانِ اُمّت کی
رضا جُو ہے محب، محبوب سر گرم شفاعت ہے
گزرتے ہیں خیالِ عارض و گیسو میں روز و شب
مری ہر شامِ عسرت، ابتدائے صبحِ عشرت ہے
ذرا جھوٹے ہی کو تردامنو! تر آستیں کرلو
بہانہ ڈھونڈتی بہر شفاعت ان کی رحمت ہے
تجلی پڑ رہی ہے من رانی قدرائی الحق کی
مرا آئینۂ دل جلوہ گاہ نورِ وحدت ہے
کہاں تک کیجئے تفسیر سبحان الذی اسریٰ
کہ آغوشِ دنیٰ میں مصطفیٰﷺ کا قصرِ رفعت ہے
تصور میں وہ آ آ کر لگی دل کی بجھاتے ہیں
تکا کرتی ہے منہ جلوت مری خلوت وہ خلوت ہے
چھلکتی ہے یہاں جام و سبو سے لذتِ کوثر
ولایت در حقیقت چاشنی گیر نبوت ہے
مری نظریں اڑا لائی ہیں کس کا جلوۂ رنگیں
کہ چشم نامرادی سے ٹپکتا خون حسرت ہے
خلیؔل اب بے خودی کے ہاتھ ہے شرم و حیا میری
کہ وہ آتے ہیں اور دل کو مچل جانیکی عادت ہے

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 650 مزید

در پاکِ مصطفیٰﷺ پر اگر ہم بھی آتے جاتے

آستانِ نبیﷺ

در پاکِ مصطفیٰﷺ پر اگر ہم بھی آتے جاتے
تجھے کیا بتائیں اے دل جو تجھے وہاں دکھاتے
تیری رحمتوں کے جھونکے جو انھیں نہ گدگداتے
نہ یہ پھول مسکراتے نہ چمن ہی کھلکھلاتے
نہیں بے سبب فلک پر یہ چراغ ٹمٹماتے
تری خاک رہگزر سے ہیں مگر نظر چراتے
بخدا کہ طور کاسا کبھی ہم بھی لطف اٹھاتے
جو تمھارے روئے زیبا کسی طور دیکھا پاتے
وہ چلی نسیم رحمت وہ بڑھے شفیع محشرﷺ
وہ لپٹ رہے ہیں دیکھو میری معصیت کے کھاتے
دل بے قرار کو پھر حرمِ نبیﷺ دھن ہے
چلو زائرو مدینے بہ ادب قدم بڑھاتے
یہ سراغِ معرفت ہے یہی رازِ بندگی ہے
کہ یہ آستاں نہ ہوتا تو جبیں کہاں جھکاتے
یہ مری خودی نے مجھکو کیا پائمال ورنہ
کہیں ان کے آستاں سے بھلا ہم بھی اٹھاتے
تو خلیؔل چیز کیا تھا تجھے کون پوچھتا تھا
ترے مرشدِ گرامی جو نہ حوصلے بڑھاتے

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 441 مزید

شراب خلد کی اے دوست گفتگو کیا ہے

نعت نبیﷺ

شراب خلد کی اے دوست گفتگو کیا ہے
زُلالِ شہ ہو میسّر تو یہ سبو کیا ہے
عذابِ نار خبر ہمیں کہ تو کیا ہے
مگر کسی کی شفاعت کے روبرو کیا ہے
خیال زلفِ رخِ شہ میں غرق رہتا ہوں
نہ پوچھئے مری دنیائے رنگ بو کیا ہے
جو تیری راہ میں پائیں قبولیت کا شرف
تو لاکھ جانیں بھی قرباں یہ اک گلو کیا ہے
خدا گواہ مری ہر مراد بر آئے
حضور اتنا جو کہدیں کہ آرزو کیا ہے
خلیؔل تجھ سا سیاہ کار اور نعتِ نبیﷺ
یہ فیض مرشدِ برحق ہے ورنہ تو کیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

...
2021-02-06 خلیل العلماء حضرت مفتی محمد خلیل خاں خلیل برکاتی رحمۃ اللہ تعا لٰی علیہ نعت 501 مزید