برہانِ ملت حضرت مولانا برہان الحق جبل پوری رحمۃ اللہ تعا لٰی علیہ  

ہُوا نورِ نبوّت جلوہ گر ایسے زمانے میں
کہ ظلمت کُفر کی چھائی ہوئی تھی ہر گھرانے میں

اُلفتِ سرکار کا جس دل میں پنہاں راز ہو
بے اثر اس پہ ہے سب کچھ، سوز ہو یا ساز ہو

بجز محبوبِ رب ہم کو محبت غیر کی کیوں ہو
جب اُن کے ہو چکے پھر ہم کو حاجت غیر کی کیوں ہو؟

کرم ہے تمہارا عنایت تمہاری
دو عالم پہ بالا ہے امّت تمہاری

فرقت کی آگ ہے مرے دل پر لگی ہوئی
کیوں کر دکھاؤں تمہیں، اندر لگی ہوئی

روضۂ اطہر کا ارماں کل بھی تھا اور آج بھی
عاصیوں بخشش کا ساماں، کل بھی تھا اور آج بھی

کیسی عظمت ہے محمدﷺ کی خدا کے سامنے
ہیچ ہیں سب عظمتیں خیر الوریٰ کے سامنے

آقا تمہاری ذات کا دھیان رہ نہ جائے
مدّت کا ایک دل میں ارماں رہ نہ جائے

وہ سرکار عالی مقام آرہا ہے
شہنشاہِ ذی اقتدار آرہا ہے

تِرا نور عالم میں جلوہ نُما ہے
اسی سے زمین و فلک منجلا ہے