مولانا سید محمد مرغوب اختر الحامدی رحمۃ اللہ تعا لٰی علیہ  

آنکھیں ہیں کہ نور کے کٹورے

چشمِ کرم ترجمان

آنکھیں ہیں کہ نور کے کٹورے
صہبائے طہور کے کٹورے
ہیں جام مئے سرور کے دو
روشن ہیں چراغ نور کے دو
دل بولا یہ دفعتہً مچل کے
دو پھول ہیں خندن زن کنول کے
محرابِ حرم کے درمیاں دو
ضو بار حسیں کنول ہیں دیکھو
کس درجہ لطیف ہے سیاہی
پر نور حسیں پتلیوں کی
کہتا ہے یہ صاف رنگِ اسود
پلکیں ہیں غلافِ سنگِ اسود

...
2021-03-16 مولانا سید محمد مرغوب اختر الحامدی رحمۃ اللہ تعا لٰی علیہ مثنوی 543 مزید

بینی ہے کہ ہے ’’الِف‘‘ خدا کا

بِینی پُروقار

بینی ہے کہ ہے ’’الِف‘‘ خدا کا
یا آخری حرف مصطفیٰﷺ کا
ہے کتنا لطیف استعارہ[1]؎
کہئے اسے گر الِف اشارہ
کونین کا یعنی ہے خدا ایک
اور اس کا حبیبِ باصفاﷺ ایک
محبوبِ خدا ہوا نہ ہوگا
دنیا میں بشر کوئی بھی ایسا
اوّل ہیں یہی، یہی ہیں آخر
باطن ہیں یہی، یہی میں ظاہر
آئے گا کوئی نہ ایسا آیا
اُس ایک نے ایک ہی بنایا

 

  [1]استعارہ  بمعنے اشارہ یعنی خدا، مصطفیٰﷺ، اول، آخر، ظاہر اور باطن، ان سب میں ’’الف‘‘ ہے اور بینی مبارک کو ان سے تشبیہ دی جارہی ہے ، لہذا مطلب ظاہر ہے ۱۲ اختر الحامدی

...
2021-03-16 مولانا سید محمد مرغوب اختر الحامدی رحمۃ اللہ تعا لٰی علیہ مثنوی 558 مزید

اللہ رے سینۂ کرامت

تابناک فانوس

اللہ رے سینۂ کرامت
پُر نور سفینۂ کرامت
ہے خوب یہ شرحِ صدر و سینہ
گر کہئے علوم کا خزینہ
تشبیہ یہ سینہ کی عجب ہے
یہ لوحِ مبیں ہے، عرشِ رب ہے
دل شمع ہے، صدرِ پاک فانوس
شفّاف ہے تابناک فانوس

...
2021-03-16 مولانا سید محمد مرغوب اختر الحامدی رحمۃ اللہ تعا لٰی علیہ مثنوی 922 مزید