امتحان

قریب آگیا امتحان کا زمانہ
مرا لیٹ جانے کو جی چاہتا ہے
جو کہتا ہے کوئی سبق تو سناؤ
بہانے بنانے کو جی چاہتا ہے
(۱۵ رجب المرجب ۱۳۹۳ھ)

پناہ مانگتا ہوں

طلب اب صدارت کی مجھ کو نہیں ہے
الہی نہ میں عزو جاہ مانگتا ہوں
میرا ان کے پنجے سے دامن چھڑادے
میں ’’ووٹر‘‘ سے تیری پناہ مانگتا ہوں
(۲۰ ذی قعد ۱۳۹۳ھ)

جیت

کھیتوں کی رکھوالی کی ‘ گلشن کی ہریالی کی
خون پسینہ ایک کیا ‘ اپنے وہ دن بیت گئے
یوں تو آنا مشکل تھا ‘ پیر جمانا مشکل تھا
پکنک پر جب کام کیا ’’قاسم ثانی‘‘ (۱) جیت گئے
(۱) حضرت مولانا محمد قاسم قادری ﷫۔ کوئٹہ

(۲۷ ذی الحجہ ۱۳۹۳ھ)

شرارتی

جی میں آتا ہے وہ کار نمایاں کیجئے
سال میں دو بار تو پٹنے کا ساماں کیجئے
توڑئیے کچھ پھوڑئیے انکار پھر کرجائیے
جب کوئی پوچھے تو پھر جلدی سے ہاں ہاں کیجئے
(۲۵ ربیع الاخر ۱۳۹۴ھ)

نمک تیز

وہ خود تو ہنستے ہیں ‘ ہم کو رلائے جاتے ہیں
’’رحیم بھائی‘‘ (۱) تو گردن ہلائے جاتے ہیں
سحر کی چائے کے بدلے سزا یہ ہم کو ملی
نمک ہے تیز ‘ وہ سالن کھلائے جاتے ہیں

(۱) عبدالرحیم سواتی‘ مولانا ‘ سابق ناظم مطبخ‘ دارالعلوم امجدیہ کراچی
(۱۰ ربیع الاخر ۱۳۹۵ھ)

پانی

ہم آج مدرسہ پھر آئے
تو دل ہی یہاں پر کھو بیٹھے
پانی نہ ملا تنکی میں جب
تو حوض سے چہرہ دھوبیٹھے
(دسمبر ۱۹۷۶ء)

استاذ محترم شیخ الحدیث حضرت علامہ عبدالمصطفی الازھری﷜کی خدمت میں

کرسی

ترک کیجے ممبری اور خاک اسپر ڈالئے
اس میں دیمک لگ چکی ہے اب نہیں کرسی میں دم
آپ کی مسند عظیم الشان ہے ’’شیخ حدیث‘‘
چھوڑئیے کرسی کو ‘ ہوگی آپ کی عزت نہ کم
(جنوری ۱۹۷۷ء)

ہدیہ تشکر

بے ربط ہے کلام شکستہ حروف ہیں
تحریر لکھ رہا ہوں یہ اپنے قلم سے خود
یارو ہوا نہ تم کو ’’سفر خرچ‘‘ بھی نصیب
بے ساختہ لکھا ہے ‘ یہ میں نے قلم سے خود

(بزم امجدی کی دعوت پر کراچی حاضری ہوئی (جنوری ۱۹۷۷ء)

دیگر

اشرفا از کرمت قدرِ جہانم نبود
پیشِ احسانِ تو پروائے زمانم نبود
از جنابِ تو کجا اشؔرفی خستہ رود
کہ بجز درگہِ تو جائے امانم نبود

دیگر

ایں عاشقِ شیدائیِ دیوانہ شود روزے
ایں قصّۂ رسوائی افسانہ شود روزے
ساقی چو دہد جامت مینوش و غنیمت واں
کایں میکدۂ کہنہ ویرانہ شود روزے