شہید غزوہ احد حضرت سیدنا حارث بن عقبہ بن قابوس رضی اللہ تعالیٰ عنہ ابن عقبہ بن قابوس۔ اپنے چچا وہب بن قابوس کے ہمراہ جبل مزینہ سے کچھ اپنی بکریاں لے ہوئے مدینہ آئے تھے بمدینہ کو دیکھا تو خالی تھا پوچھا کہ سب لوگ کہاں گئے کسی نے بتایاکہ احدمیں مشرکوں سے لڑنے گئے ہیں چنانچہ یہ دونوں مسلمان ہو کر نبی ﷺ کے پاس (احد میں) گئے اور مشرکوں سے خوب لڑے یہاں تک کہ دونوں شہید ہوگئے رضی اللہ عنہما ان کا تزکرہ ابو عمر نے لکھاہے۔ (اسد الغابۃ جلد نمبر ۲)۔۔۔
مزید
شہید غزوہ احد حضرت سیدنا ثقب ابن فروہ بن البدن الانصاری رضی اللہ تعالیٰ عنہ انصاری ساعدی۔ واقدی نے ایسا ہی بیان کیا ہے اور عبداللہ بن محمد نے اور ابراہیم بن سعد نے ابن اسحاق سے ثقیب بن فروہ روایت کیا ہے۔ یہی ہیں جن کو بعض لوگ اخرس کہتے ہیں اور بعض کتب سیر میں ان کا امام ثقف فے کے ساتھ ہے مگر صحیح ثعب یا ثقیب ہے بے کے ساتھ جیسا کہ ابن قداع نے کہا ہے۔ یہ ابن قداح وہی محمد بن عمارہ انصاری عالم نسب ہیں انصار کے نسب کو یہ سب سے زیادہ جانتے ہیں۔ یہ ثقب ابو اسید ساعدی کے چچازاد بھائی ہیں احد میں شہید ہوئے تھے۔ ہم نے ابو اسید ساعدی کے تذکرہ میں بیان کیا ہے کہ بعض لوگ (ان کے دادا کا نام) بدن کہتے ہیں اور بعض لوگ بدی کہتے ہیں۔ انک ا تذکرہ ابو عمر اور ابو موسینے لکھاہے مگر ابو موسی نے کہا ہے کہ (ان کا نام) ثقیف (ہے) حالانکہ یہ وہم ہے بعد اس کے انھوںنے کہا ہے کہ ثقب احد کے دن شہید ہو۔۔۔
مزید
شہید غزوہ احد حضرت سیدنا حارث بن ثابت بن سفیان الانصاری رضی اللہ تعالیٰ عنہ ابن ثبت بن سفیان بن عدی بن عمرو بن امرء القیس بن مالک اغر بن ثعلبہ بن کعب بن خزرج بن حارث انصاری خزرجی احد کے دن شہید ہوئے۔ ابو عمر نے ان کا ذکر اسی طرح لکھا ہے اور ابو موسی نے ابن مندہ پر استدراک کرنے کے لئے ان کا ذکر اسی طرح لکھا ہے اور کہا ہے کہ (ان کا نام) حارث بن ثبت بن سعید بن عدی بن عمرو بن امرء القیس (ہے) مگر یہ صحیح نہیں پہلا ہی قول صحیح ہ انھوں نے سفیان کے بدلے سعید کہا ہے حالانکہ سفیان ہی صحیح ہے۔ انکا تذکرہ ابو عمر اور ابو موسی نے لکھا ہے۔ (اسد الغابۃ جلد نمبر ۲)۔۔۔
مزید
شہید غزوہ احد حضرت سیدنا ثعلبہ بن سعد بن مالک الانصاری رضی اللہ تعالیٰ عنہ ابن سعدبن مالک بن خالد بن ثعلبہ بن حارثہ بن عمرو بن خزرج بن ساعدہ۔ یہ ابو عمر کا قول ہے اور انھوں نے کہا ہے کہ یہ ابو حمید ساعدی کے چچا ہیں اور سہل بن سعد ساعدیکے چچا ہیں اور ابن مندہ اور ابو نعیم نے کہا ہے کہ یہ سہل بن سعد ساری کے چچا ہیں۔ بدر میں شریک تھے اور احد یں شہید ہوئے کوئی اولاد نہیں چھوڑی۔ ان کا تذکرہ تینوں نے لکھا ہے۔ میں کہتاہوں کہ یہ ثعلبہ بن سعد وہی ثعلبہ بن سعد ساعدی ہیں جن کا ذکر اس سے پہیل ہوا ابو عمر نے جو ان کا تذکرہ پھر بیان لکھا تو ان پر اعتراض نہیں ہوسکتا ہاں ابن مندہ اور ابو نعیم پر اعتراض ہوسکتا ہے اور ابو عمر نے جو یہ کہا ہے کہ یہ ابو حمید کے چچا ہیں اور سہل کے چچا ہیں اس میں البتہ اعتراض ہے مگر عدوی کے قول کے موافق یہ بھی صحیح ہے کیوں کہ انھوں نے سہل بن سعد کو سعد بن مالک کا بیٹا قرا۔۔۔
مزید
شہید غزوہ احد حضرت سیدنا ثابت بن وقش الانصاری رضی اللہ تعالیٰ عنہ بن زعور انصاری۔ ابن مندہ اور ابو نعیم نے ان کا نسب اسی طرح بیان کیا ہے اور ابو عمر نے کہا ہے کہ ثبت ابن وقش بن زغبہ بن زعورا بن عبدالاشہل انھوں نے نسب میں زغبہ کو زیادہ کر دیا اور یہی صحیح ہے کلبی نے بھی ایسا ہی کہا ہے۔ احد کے دن سہید ہوئے ان کو نبی ﷺ نے ایک ٹیلہ پر مامور فرمایا تھا۔ یہ اور حسیل بن جابر حضرت حذیفہ ابن یمان کے والد جب احد جانے لگے اوریہ دونوں بہت بوڑھے تھے تو ایک نے دوسرے سے کہا کہ اب ہمیں کسی بات کا انتظار نہیں آج یا کل ہم مر جائیں گے پس اگر ہم چلیں تو اپنی تلواریں لے کر رسول خدا ﷺ کے ہمراہ کیوں نہ چلیں شاید اللہ ہمیں شہادت نصیب کرے چنانچہ ان دونوں نے اپنی تلواریں لے لیں اور لوگوں کے ساتھ ہو لئے ان دونوں کا علم کسی کو نہ تھا۔ ثابت کو تو مشرکوں نے قتل کیا اور حسیل پر خود مسلمانوں کی تلواریں پڑ گئیں انھو۔۔۔
مزید
شہید غزوہ احد حضرت سیدنا اوس بن ثابت بن المنذر الانصاری رضی اللہ تعالیٰ عنہ نام ونسب اوس بن ثابت بن منذر بن حرام بن عمرو بن زید منات بن عدی بن عمرو بن مالک بن نجار، انصاری آپ شاعر اور مداح ِ رسول سیدنا حسان بن ثابت انصاری رضی اللہ عنہ کے بھائی ہیں۔ آپ کو بیعت عقبہ میں اور بعدازاں غزوہ بدر میں شرکت کی سعادت حاصل ہے۔ ابن القداح عبداللہ بن محمد بن عمارہ انصاری کی روایت کے مطابق آپ نے غزوہ احد میں جام ِ شہادت نوش فرما کر جان جانِ آفریں کے سپرد کر دی۔ رضی اللہ عنہ وارضاہ، آمین سیدنا اوس بن ثابت ابن منذر۔ قبلہ بنی عمرو بن مالک بن نجار سے ہیں۔ انصاری ہیں نجاری ہیں جنگ احد میں شہید ہوئے۔ یہ ابن اسحاق اور عروہ بن زبیر کا قول ہے۔ ان کا تذکرہ ابن مندہ اور ابو نعیم نے لکھا ہے۔ (اسد الغابۃ جلد نمبر ۱) ۔۔۔
مزید
شہید غزوہ احد حضرت سیدنا سھل بن قیس بن ابی کعب الانصاری رضی اللہ تعالیٰ عنہ سہل رضی اللہ عنہ بن قیس بن ابی بن کعب بن قیس بن کعب بن سواد بن غنم بن کعب بن سلمہ۔ انصاری ہیں اور کعب بن سلمہ کی نسبت سے "سُلَمی" کہلاتے ہیں۔ غزوۂ بدر میں شرکت کی سعادت حاصل کی اور غزوۂ احد میں جامِ شہادت نوش فرما کر خلد بریں میں جا پہنچے۔ (شہدائے بدر و احد)۔۔۔
مزید
شہید غزوہ احد حضرت سیدنا ذکوان بن عبد قیس بن خلدۃ الانصاری نام و نسب: ذکوان رضی اللہ عنہ بن عبد قیس بن خلدہ بن مخلد بن عامر بن رزیق انصاری، زرقی۔ کنیت: آپ کی کنیت ابو سعد ہے۔ آپ بیعت عقبہ اولیٰ اور بیعت عقبہ ثانیہ میں شریک ہو کر رسول اللہﷺ کے دست حق پر بیعت کرنے کے شرف سے مشرف ہوئے۔ بعد ازاں مدینہ منورہ سے ہجرت کر کے رسول اللہﷺ کی خدمت اقدس میں مکہ مکرمہ آگئے۔ اور پھر دوبارہ مکہ مکرمہ سے مدینہ منورہ کی طرف ہجرت کی۔ اس لیے آپ کو مہاجری اور انصاری کہا جاتا ہے۔ آپ نے غزوۂ بدر میں شرکت کی اور غزوۂ احد میں مرتبۂ شہادت پر فائز المرام ہوئے۔ ابو الحکم بن اخنس بن شریق نے آپ پر حملہ آور ہو کر آپ کو شہید۔۔۔
مزید
شہید غزوہ احد حضرت سیدنا سُلیم بن عمرو بن حدیدۃ الانصاری رضی اللہ تعالیٰ عنہ بدر میں شریک ہوئے اور اپنے غلان عنترۃ کے ساتھ احد میں شہید ہوئے۔۔۔۔
مزید
شہید غزوہ احد حضرت سیدنا عبادۃ بن الخشخاش الانصاری رضی اللہ تعالیٰ عنہ بدر میں شریک ہوئے۔ اور احد میں شہید ہوئے۔ اور ابن اسحاق کہتے ہیں کہ شہدائے احد میں سے نعمان بن مالک ،المجذر بن زیاد اور عبادۃ بن الخشخاش کو ایک ہی قبر میں دفن کیا گیا۔۔۔۔
مزید
خوش آمدید